استفسار عن سيارة مناسبة لخط صحراوي ( الحَرة )

[محروم.كوم]

السلام عليكم ورحمة الله وبركاته

مساكم الله بالخير جميعا يا أحبة

حبيت أستشيركم في موضوع ,, وبإذن الله إنكم تفيدوني فيه يا أحبة

أنا إنسان جاء نقلي لقرية وسط حَرة قريبة من المدينة المنورة ,, خطها صحراوي ,, وكله صخور وحصى ,, ظهرك يتكسر وأنت مداوم ,, وتأخذ ساعة وسط الخط ,, ولا تطلع الإ ثوبك معدوم من الغبار والتراب ,, بحكم إن الجيوب اللي معنا كلها جيوب تايوتا موديل 80

الشاهد بالموضوع ,, أنا رجال أبغى أشتري جيب مناسب لهذه الحَرة وهذا الخط الصحراوي وسط صخور وجبال ,, واستقر رأيي أنا وزملائي على السيارات التالية :


1/ جيب ربع تايوتا من موديل 90 إلى موديل 2000 أو لاندكروزر من موديل 90 إلى موديل 98
2/ جيب نيسان ربع حده بالكثير موديل 2000
3 / جيب باجيرو ربع حده بالكثير موديل 2005

جيب نبغاه لخط الحَرة ,, اللي طوله 20 كيلو غير مسفلت لكنه ممهد ببعض مناطقه

ناس خوفتني من النيسان ,, وقالت يتفكك ويتهربد عليك بسرعة
وناس خوفتني من الباجيرو ,, وقالت الكفرات وراء عكوس وممكن تنفك عليك
وناس خوفتني من التايوتا وقالت قاسي وبيتعبك لكنه يتحمل وما يشتكي

وناس قالت لي خذ أي موتر تبغاه سواء تايوتا أو باترول أو باجيرو بس ركب عليه مساعدات و يايات استرالية وكفرات حجرية ,, وراح تحس كأنك ماشي على اسفلت


لا أخفيكم أن كل من نصحني ,, ماله خبرة بالمنطقة اللي نقلت عليها ,, وأنا رجل غشيم بصراحة في المناسب من سيارات لهذه المنطقة

لذلك حبيت أستشيركم ,, وما خاب من استشار ,, وأتمنى ألقى من يفيدني __DEFINE_LIKE_SHARE__