سمك مشوي في رأس طعــس (( بالصـــور ))

[محروم.كوم]

بسم الله الرحمن الرحيم
السلام عليكم ورحمه الله وبركاته
أخواني أخواتي أعضاء وزوار مكشات
يسرني أقدم لكم اليوم أول مشاركة لي في خيمة الطبخات البرية
وهي عبارة عن وجية سمك مشوي والمقادير هي :
كيلو ونص كنعد
كيلو شعور
3 حبات بصل
3 حبات طماط
3 فصوص ثوم
2 حبة بطاطــس
2خبز بر
2خبز أبيض

وأليكم الصور

أول ماوصلنا شب خرفوش عالفحم وتركه شوي عشان يجمر (يصرم)

وأستلم بعدها المقبلات تقطيع قطع كبيرة عشان تمسك مع الشواية خرفوش

بعدها نحمي الشوايات عالجمر عشان نغسلها ونظفها عاد ترى أهم شي عند خرفوش النظافة إيييه

وهذا خرفوش ماشالله تبارك الله يجهز السمك للشوي في منظر مؤثر

وهذا السمك فوق الجمر يبي له بس من 10 لين 12 دقيقة ويصير يم يم يم خرفوش

وخرفوش معروف بحملات الدايت الرجيم وهو ضد السمنة وأكل المطاعم فلذلك جاب للعائلة دايت بيبسي وسفن وفرشها على النفود وحط عليها قطع ثلج عشان يجي طعم زي العسل

بس ياخسارة للأسف يوم خلص الشوي تمت مداهمة خرفوش من قبل بعض المهاجمين وما أمداه يصور العشاء وهو في الصحن مما حدا بخرفوش الى اللحــاق بالركب الميمون على المعركة اللي تمت على العشاء
وبعد العشاء صلحت أم (خرفوش) الله يحفظها ويعطيها العافية قهوة و برااااااااد شاهي على كيف كيفك عالجمر

طبعاً الشاي معروف أنه يهضم وزين على الكبد بعد العشاء وخصوص اذا كان سمك

وكانت رحلة ممتعة ورائعة خصوصاً في النفود والجو زين وبراد يالله لك الحمد والشكر

تقبلو تحيات أخوكم الصغير / خرفوش وفي رواية الطرشي
وبأذن الله نسوي لكم مشاركات أكثر وأفضل لان هذى مجرد بداية
وعلى دروب الخير نلتقي.

__DEFINE_LIKE_SHARE__