لي ما يباك

[الحب العنيد]

توه تذكر حبنا وقام يسال
توه تذكر ماضي عشته وياه

مايدري ان الحب بالصد يرحل

ولا يدري اني اعتدت عطول فرقاه

مثله ترا سالي وبالحب يجهل
ماكان يدري بالحب وشلون بلواه

مسكين بدروب العشق ما تمهل
ماكان يتانى ولا يحسب اخطاه

بدلتني يا صاح بانسان يعذل
واجبرت قلبي ينسى من كان يهواه

عهد الوفا خنته وياكيف تزعل
لا تشتكي م الهم وتقول ويلاه

هذا اختيارك عاد وانت تحمل
والانسان يعرف ما خفا من نواياه

خليت وسط اليوف نيران تشعل
وعيشتني مابين ونات واه

ياكيف ما ظنيت بك يوم تخذل
ضيعت قلبي وضاع به من تمناه

ولا تظن برجع مثل ماكنت لول
الي جرحني بيوم لا يمكن انساه

خلاص ابعد عن طريقي وكمل
ولي مايباك ارجوك لا تصيح تبغاه

__DEFINE_LIKE_SHARE__