دام انا بعينك (حقيرة)اعشقك يا أعظم (حقير)

M!Ss AsHanti · #1 04-09-2008, 09:02 PM

سلاااامـ، للكول

يآكثر مانحب انسان من قلب
ويجي النا هالشخص ويجرحنا ونواجهه بنفس جرحه
ويشتعل فينا الانتقامـ، لكن بداخلنا نحبه مهما سوا بس بمحاولة
لجرحه زي ماجرحنا نبدي له ولغيره بالكلام والي بالقلب الله اعلم فيه
بهالقصيدهـ، الي عجبني فيها زي كلامي الي تو قلتها
اقروها وعطوني رايكمـ،
وبجد تلامس المشاعر

دام أنا بعينك [حقيره]..!! أعشقك يا أعظـم..[حقيــر]
::
إستشير القلب دامك تشعـر إنـك مستشـار
ولاتظن عيوني أبدا غيـر عينـك تستشيـر

لاتحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر

والقنـاع اللـي لبستـه مايغيـر هالمسـار
كل واحد في غرامه يمتلـك قلـب وضميـر

جيت لك موت وتحدي .. لو تبي جيت إنتحار
المهم إبقى عشانـك دام حبـك بـي خطيـر

كيفها عيونك حبيبـي لـو تناظـر بإحتقـار
دام أنا بعينك حقيره أعشقك يا أعظـم حقيـر

خلها تطـول المسافـه مـا أمـل الإنتظـار
دام أشوفك في خيالي عاشـقٍ مالـه نظيـر

ودامها صارت تحدي ما أحب لعـب الصغـار
وأبتدي أقنع عيوني بس تشوفك هـي كبيـر

وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر

وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر

دوم أنا أبقى قويه .. بـس أحـس بإنكسـار
تدري وش يعني شموخٍ داخله يبقى كسير ؟؟

تدري وش يعني عظيمٍ .. تشعره بالإنهيار ؟؟
تدري وش يعني غرامٍ مابه إنسانٍ يغيـر ؟؟

تدري وش يعني حبيبٍ راح عنك وإستدار ؟؟
تدري وش يعني بروده يشعلك نار السعير ؟؟

كلها تهون لعيونك وأشعـر إنـي بإنتصـار
وأمسك النـار بيدينـي ولا أفكـر بالمصيـر

دامك المـوت الحقيقـي ياحـلاة الإحتضـار
تزرع الشوك بطريقي أمشي وأتخيـل حريـر

التحدي هو غرامـي ولا أعـرف الإنحـدار
ولذة السكر هوايه تخجـل الوضـع المريـر

شفتني كيف أنتهي بك شفتني ياأحلى مـرار
لجلـك أجبـر هالمربـع ياعذابـي يستديـر

ولجلك عيـون البرايـا كلهـا منـي تغـار
وكل ماسافر مدينه خافقـي لعينـك سفيـر

تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر

والمسافه لـو بعيـده مـا أمـل الإختصـار

ماتهـم الجاذبيـه دام أنـا لعينـك أطـيـر

كلهم قالوا غريبه وين عقلك .. كيف طـار ؟
قلت أنا للـي خذانـي وإبتعـد عنـي كثيـر

يستشير الكـون لكـن مايفيـد المستشـار
هو عقب نظرة عيوني .. به عيونٍ يستشير ؟

::

دمتم بود.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنا ما كنت احبك حي انا كنت اعشقك هالك...!!~	❥',ڛـڼـڨبـٱ ڛۑہ. , ๑	الشعر المنقول	2	10-06-2009 04:41 PM
سعوديون بقلوب حقيرة	محروم.كوم	منتدى أخبار المواقع والمنتديات العربية والأجنبية	0	08-14-2009 12:10 AM
سعوديون بقلوب ( حقيرة)....!!!	محروم.كوم	منتدى أخبار المواقع والمنتديات العربية والأجنبية	0	07-13-2009 05:20 AM
مشكلة حقيرة الله يجيركم منها	محروم.كوم	منتدى أخبار المواقع والمنتديات العربية والأجنبية	0	05-25-2009 02:20 PM
جيت اعشقك ما جيتك لك تحقريني	мisŝ~ƒ๏σŝнџ	الشعر المنقول	18	04-03-2008 12:57 AM