سحاب- طبق اليوم الرمضاني

[محروم.كوم]

ايها الصامتون المسبطون السلام عليكم ورحمه الله

علشان رمضان يزين السواليف عن الاكل بسم الله علينا من الجوع

طبق اليوم

ههههههههههههههههههههه المشكله مااعرف اطبخ شي

ماعندي الا اذكر منول بس

اذكر منول يحطون البزور وغير البزور يحطون وصط الخبزه تمر يعني سندويش تمر وبلع ويصير فيه بزور ثانين يلاحقونهم ويقولون تكفا بس عرمه وحد ولا اقطع لي شوي وبعض المرات يصير فيه ملاحق وركض علشان ذا الخبزه

خل بس اعلمكم انا بعد ماابطيت حطيت تمر في خبزه وكلتها

شوفو فيه لغز ثاني ههههههههههههههههههههه

الي يعرف وشي اكلتي المفظله يحصل على جائزه ثمينه

نجي للفسحه حقه البزور وغير البزور الي يروحون للمدرسه

يقومون منول ويحطون الناس لعيالهم خبزه ويحطون فيها حلاوه طحينيه ويحطونها في كيس بلاستك علشان بعد الحصه الثالثه في الفسحه الطويله هذا اسمها منول الفسحه الطويله ثمن يطلعون الطلاب صغيرهم وكبيرهم في حوش المدرسه بس صرنا متطورين يسمونها الساحه المهم ولا جا الواحد يبي ياكل فسحته وطلعها من مخباته ولا الطحينه كلها في الكيسه وطالعه من الخبزه مع الحر ههههههه مهوب يخالف ثمن يروحون للمقصف ويشترون ببسي ولا ميرندا ثمن دق الحنك
وبعضهم ياكلها في الفصل والمدرس يشرح

خل اعلمكم عن المائده الرمضانيه في شقراء

في الفطور

يحطون الفمتو الي هو التوت او الشربيت وهذا شي اساسي

ويحطون القهوه والتمر والماء واللقيمات والمحلبيه والسنبوسه

ونقعد نناظرهن وسعابيلنا تقطر الين يذن ثمن يرمي علي المدفع الله يرحمه وهذا رجال اسمه علي وكان مسؤل عن مدفع رمضان في شقراء وسموه اهل شقراء علي المدفع ههههههههههه

ثمن نهد مثل اهل ثرمدا الا راحو يبي يقشعون الروض من القاع يسمونها الهده ههههههه

ثمن بعد صلات المغرب يصير فيه كبسه الرز ولا مكرونه واللبن لانه شي اساسي وكل بيت فيه بقره منها اللبن والحليب والزبد والروب او الزبادي يعني سوبر ماركت كلش طبيعي مهوب مثل هلحين نشرب حليب مهوب حليب ونشرب لبن مهوب لبن كلش بودره هلحين
ولا يحطون مرقوق عليه قطيعات قرع وبيدجان وكوسه وقطيعات لحم ولا قفر يصير المرقوق مع القفر سحر طبيعي لا يمكن مقاومته بجميع الوسائل الدفاعيه ههههههه

ولا يحطون جريش عاد عجز شقراء يسمونها جريشه ورزيزه وطميطات وخبيزات ياجعلهن للفردوس جميع وجميع موتا المسلمين


ماعلمتكم عن المكرونه الطويله اول ماجت
ماعرفنا ناكلها هههههههههههه
اذكر يصير طرفها في اثمي والطرف الاخر في الصحن ونشفط شفط الله لا يبلانا

وبي هذا ننتهي من طبق اليوم

__DEFINE_LIKE_SHARE__