مشكلة صرف البنزين لجميع السيارات وانشاءالله تفيدكم

[محروم.كوم]

السلام عليكم ورحمة الله وبركاته

فيه اشياء معروفه تسبب صرف البنزين مثل المصفي او الفلتر والبواجي والمكيف
لكن فيه اشياء مهمه لعمر السياره والبنزين نجهل فيها ومانرجع لكتالوج السياره وصرنا نعاني من سرعة احتراق البنزين ومشاكل ثانيه المهم حسب تجربتي انصحكم تحرصون على
1-الزيت اغلبنا يحط على مزاجه وما يرجع للكتالوج وش اللزوجه المطلوبه وش نوع الزيت انا معي الشاص الراسين احط له 50/20جي تكس ويوم رجعت للكتالوج يقولون حط 30/10 وحنا نخرص له زيت كل واحد يحط اللي يجوزله من الزيوت والمقصد من الدرجه والنوع هو اللزوجه وتحملها للحرارة وبعضنا مهمل الزيت يخليه اكثر من عمره وتروح لزوجته والبعض نفس اللزوجه المطلوبه لكن نوع الزيت يختلف عن المطلوب =ارجع للكتالوج حتى لو موترك مثل موتري


2-الرجه لا يصير الموتر فيه رجه اوزن الاذرعه يالي تعمج بالبر
3-الكفرات تخرص للموتر طقم مقاساته من راسك تصرف بنزين زياده كذا او تنقص الهواء تعبي على مزاجك اقالك فاهم تصرف بنزين وتقلل عمر الكفر ترا يصعب دوران الكفر وهينا لازم تزود العزم وتدعس زود للموتر ويزود صرف البنزين اما ربعنا اهل الولع تطلع من البر وتحط واحد 28 والثاني 33 هذي بها صرف بنزين حاول توزن الهواء

طبعن الثلاث الاوله هن اهم شي وعارف انكم منتب قادرين تسوون الثلاث الاخيره

4- تدعسه الابنص بسرعه او تهدي بسرعه هذي بها صرف
5-تخلي السياره تشتغل وهي واقفه تصرف وتضرها
6- حاول تعبي على رقم واحد 😁صديق طقه واحد عشان مايدخل هوا

طبعاً من الثلاث الاوله اختلف علي صرف البنزين ولله الحمد بشكل ملحوظ فحبيت اعلم كل الناس احسهم دلوخ مثلي
والله يوفق الجميع واللي عنده زياده على كلامي لا يبخل علينا يفيدنا __DEFINE_LIKE_SHARE__