يا اللي تحسب الوقت ذل الرجاجيل ... ما كل رجلاً لا بكى ذلّه الوقت ..

[محروم.كوم]

.
.

.
السلام عليكم


بعد غيابٍ دام طويلا ..
و أنساب بين بُكرةٍ و أصيلا
ها أنا أعود
بعد الغياب ..
و قبَل
أن نوضع تحت التُراب ..

تقبلوا
هذه المتواضعة من بُنياتِ أفكاري
.
البحر / المسحوب
الغرض / الفخر
وقت إنهاء القصيدة / 02/10/1436
.
.
#poem_562143d934fd2 td {font-family: traditional arabic;font-size: x-large;font-weight: bold;} لو شفت صكات الزمن و البهاذيل ما ضقت من صد المقادير ما ضقت ياللي تحسب الوقت ذَّل الرجاجيل ما كل رجلٍ لا بكى ذله الوقت ما ضرني .. وقتي و كثر الغرابيل و الجادل اللي في غلاها تعلَّقت و همومي القشرا و هرج الدعابيل و الهاجس اللي في بحوره تعمقت لا حل ليلي .. جبت صفر المعاميل و اشعمت ناراً من لظاها تنشقت و ارهيت ضيقاتي بشقر الفناجيل و ادهلت بيبان القصايد و وثقت قصايداً .. فيها رموز و تحاليل فيها لمدات التجارب تطرقت في نظمها .. دوّنت كل التفاصيل و اغربت في بحر الحقايق و شرقت من واقعٍ .. شوفه يجيب التهاويل و اشوفني من جور وقعه تشققت يا ما انطحتني .. كايدات المحابيل و ياما على حوض المنايا توايقت و يا ما لفتني ... طيبات الاقاويل و يا ما من سقاط السوالف تحققت ويا ما .. شربنا من قراح الشهاليل و ياما الضما عانق شفاهي و لا طقت و لولاي ادور مكرمات المداهيل ان كان خارت بي عزومي و دنقت و لولا .. مشاريه الرجال المشاكيل ان كان وضحت الحقايق و روقت الله رفعني .. في عيون الحلاحيل و الله جعلني في حياتي توفقت و الله خلقني ... غصةٍ للمهابيل و الفضل لله بالخبل ما توهقت ما نرتجي عند المهبل محاصيل و عز الله اني بالمهبل ترفقت و اللي على فرقاي بل المناديل حق الله اني ما نسيته و لا بقت ارقب و ادور شوفته بالمقابيل لو ني من ظْروف الليالي تعوقت و اللي على فرقاي جر المواويل طلقت انا قربه و لقياه طلقت نفسي عزيزه ماخشيت العواذيل و لاني من هروج العواذل تضايقت والمرجلة ماهي بصيحة و تطبيل و هروجٍ انطقها و فيها تفوقت المرجلة ضلعن حدا دونه السيل و الحمد لله فوق راسه تسلقت و يالله عليك العافيه و التساهيل و رحماك يا ربي ليا قلك الوقت رحماك لا رحنا مراح المخاييل و اقفيت عن جل الخلايق و فارقت




.
.
شعر
فهد بن ناوي بن دوجان الرشيدي

‬ __DEFINE_LIKE_SHARE__