غدر أنياب

[محروم.كوم]

قصيدة بعنوان (غدر انياب)
اتمنى ان تحوز على رضاكم
البارحه والعين ماجالها رقود
اللي يدور حاجتةٍ ماوجدها
دورتها مابين غدران وحيود
حتى الرمال الصهّب ويا حمدها
من شوفها وانا معي ضيق مولود
في ساعةٍ لاقرّب الله وعدها

بنت الشجاع اللي سرا ليلة النود
اللي حكم روس الهضاب ووتدها
وطبع أمها تعتاش بقبور ولحود
واكل الجماجم غايةٍ من سعدها
في راس طعس مالها عني صدود
في عينها شفت السعير ووقدها
قامت تمخطر هي وكتوفها السود
كم عيلةٍ جرت عليهم نكدها
وكم يتّمت مابين طفلٍ ومولود
وتكّدرت صافي الحياه ورغدها
وقمت اتوجد يمكن يكون موجود
عز الخوي والنفس يفتر جهدها
لكنّ ماحصلت لو فصّ عبرود
يعطيك من صوت السحابه رعدها
وراحت وانا قلبي من الغبن ملهود
وليا ارجعت انشهدالله قردها
حاسي لها مع صافي الملح بارود
ياما تناثر راسها مع كِبَدْها

الشاعر:راضي عوده العنزي __DEFINE_LIKE_SHARE__