‏"_ انا المعتصم سيف العقيده وفارسها _"

[محروم.كوم]

بسم الله الرحمن الرحيم
السلام عليكم ورحمة الله وبركاته

.
.
.

على الله بدينا والتماثيل سهم وقوس ........... وبحر المعاني غبته من يقيسها

غزايز قصيدي من ضميري يجن نفوس ........... كما الدر والياقوت
يندر تجانسها

انا الشاعر اللي ماشحذ بالقصيد فلوس ........... انا المعتصم سيف العقيده وفارسها

وانا بنشد الشعار عن صارم(ن) محبوس ........... يمين(ن) تشيله فالمواقف ينومسها

شطير(ن) على الشده وتاج(ن) يعز الروس ........... انجابه عدانا والشدايد انسايسها

لعل القصايد مع قصيدي يجن عسوس ........... وننهض على الساحه ونطرد تعومسها

وانا كن قلبي من زماني يحزه موس ........... اشوف الليالي قدم عيني تعوكسها

الا يالهجوس اللي تزيد الهجوس هجوس ........... هجوس العطاوي من ضميره يهوجسها

إشاره لمن في دمه الكفر والفيروس ........... وجوه الامور الواضحه لايلبسها

اليا عكست الفطره وحرفتوا القاموس ........... والاعلام معكم صورة الغرب عاكسها

ترى من يخون الله يبا من يدوسه دوس ........... إمن اجل البلاد الطاهره لاينجسها

سفيرة جنود بليس والفرس والهندوس ........... عجوز(ن) على بغداد تقرا طلامسها

غزونا الشروق وعود القايد المفروس ........... إمن اهل الكنايس هدم الله كنايسها

هذا والله البلشه من الكفر والكابوس ........... يغزي العقيده ويتضحى بحارسها

ولا يتبعه ياكود نجس(ن) وراه انجوس ........... سموم الروافض وسط فكره يدسسها

رضع ديد فكر العولمه والحياه ادروس ........... رجع في بلاده من هباله يدرسها


يقول التطور في بلاد العرب معكوس ........... ولازم جهود الشعب حنا نكرسها

علينا يغني بالهجيني وبالمنكوس ........... وطبول التحلل والتبرج يروسها

يبا يجرد المرأه من الدين والملبوس ........... يبيها مع الموضه تقصر ملابسها

ويبا يجرد الحشمه من البنت بالمدسوس ........... تقود المواتر قدم والا تريوسها

وتصبح عنود الصيد يمشي ورها تيوس ........... هذا طامع(ن) فيها والآخر ينافسها

الا يالهنوف اللي كما الجوهر المحسوس ........... راعيت العيون اللي ذبحهم تناعسها

حذاري حذاري كل هيس(ن) وراه هيوس ........... ترى نية القمار فعله يدنسها

وعلى صفحة التاريخ فالواقع الملموس ........... اختام القصيده والمشاعر نقدسها

بقلم : محمد القسامي

__DEFINE_LIKE_SHARE__