اصح يانايم

[محروم.كوم]

هذي قصيده للشاعر محمد خالد الميموني وهي تعبر عن نفسها
وتقبلو تحياتي

من هجوس شانها معتلي فـوق السحـاب ** البحر من تحتهـا والسمـاء مـن فوقهـا

استقت من فيض جزل الاباكيـر العـذاب ** من سطرها كـل قـولاً جزيـل يشوقهـا

ماجذبها يوم توضي ضحاضيح السـراب ** ولاتخيـل الغيمـه اللـي تبيـن فتوقهـا

اقبلت مثل السحايب على روس الهضـاب ** الرضى ف رعودها والغضب ف بروقها

في ندبها تسبق الصوت وتطوف الشهـاب ** نحتمـي ميقافهـا ونحتمـي طاروقـهـا

مانوردها رسوس الهمـاج مـن الشـراب ** يوم بعض النـاس دوبـه يبـل حلوقهـا

مانخلي وجهها الطلق من دونـه حجـاب ** الجزيلـه عنـدنـا مـاتـردى سوقـهـا

لاتقول ان الجدي فالسمـاء يمكـن يغـاب ** والرجـال يبيـنٌ قلوبـهـا منطوقـهـا

اصح يانايم تجي بين ضرس وبين نـاب ** الشقـي عينـه تـراى مايهملـج موقهـا

ماعلينا من نفيض السحاب ولا الضبـاب ** ناصل الجمـه ونـارد علـى غدروقهـا

الشعر صابه من الوقت والنـاس اكتـأب ** والمعانـي قطعـوا روسهـا وعروقـهـا

ذاك لعبونـي وهـذا حجـاب وذا عقـاب ** والعشيقه ضاع فـي زحمتـه معشوقهـا

انكشف وجه الخطاء وختفى وجه الصواب ** والحقيقـه شمسهـا مايبـيـن شروقـهـا

والقصيده كل ركن بهـا فيـه اضطـراب ** ابتلـت فـي نـاسً تقودهـا وتسوقـهـا

لاعها فرقى الجزاله وعاشت فـي عـذاب ** تلتجي بالصبـر والصبـر زاد حروقهـا

يكـرم السامـع ولاعـم دمثيـن الجنـاب ** من لهم جـزل المعانـي تعـوج عنوقهـا

محتمين القول بالفعـل مرويـت الحـراب ** النـوادر عندهـم ماتضـيـع حقوقـهـا

__DEFINE_LIKE_SHARE__