..**// أغـ ـانـ ـي الاطـ ــفــ ـال قـ ـديـ ـمـ ـاً //**.._..

دمعة المشتاق · #1 03-20-2008, 08:03 PM

السلام عليكم ورحمة الله وبركاته ...

الاغـ ــانـ ــي الـ ـتي كـ ــان ينـ ـشدهــ ـــا الاطفــ ـال قديمـ ــا ..

هذي بعض من الأغاني التراثية الي كان ينشدها الأطفاال قديما

-=-=-=-=-=-=-=-

ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض

-----------------------------------------------------

يا عليا قومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه

---------------------------------------------------------------

يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة

-----------------------------------------------------------------

يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.

-----------------------------------------------------------------------

يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس

-------------------------------------------------------------------------

يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمد علي

-------------------------------------------------------------------------------

من اليوع لو متّي .. ما يوزج شتّي
بيوزج تاير .. لو بالحجي جاير
يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه

--------------------------------------------------------------------------------

يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنام

---------------------------------------------------------------------------------

عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره

--------------------------------------------------------------------------------

عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان

--------------------------------------------------------------------------------

طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر من فوق .. كسر حوي بن طوق

-----------------------------------------------------------------------------------

حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله

تحياتي لكم ....

بنوتـــــــــــــــــــــــــــــــــــة حلـــــــــــــــــــــــــــــوة.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الطائف خميس وجمعة ـــــ 2 في 1 ـــــ سحب وضباب وامطار	محروم.كوم	منتدى أخبار المواقع والمنتديات العربية والأجنبية	0	02-13-2010 01:50 PM
جزء من وطني " مركز الربوعة " ـــــ الجزء الأول ـــــ	محروم.كوم	منتدى أخبار المواقع والمنتديات العربية والأجنبية	0	08-18-2009 02:50 PM
حـ،ـركـ،ـه جـ،ـديـ،ـده ونـ،ـآآعمـ،ـه ..لديكـ،ـور..~	ಌغـ°الٌشٌارٌجٌهٌٍ ِـزالةಌ	اثاث و ديكور المنازل والمطابخ والصالات	17	05-08-2009 12:57 AM
ـــــ تانكي بنزين للنيسان 160 لتر ـــــ	محروم.كوم	منتدى أخبار المواقع والمنتديات العربية والأجنبية	0	04-12-2009 04:30 PM
.: إلـ،ـ،ـ،ـى كُـ،ـ،ـ،ـ،ــل خـ،ـ،ـ،ـ،ـائـ،ـ،ـ،ـن :.	ж شـمـوخ عـراقـيـه ж	شعر و خواطر	5	01-06-2008 04:52 PM