قصيد شعراء الامارات

[من يعاند فلهوى باشه ؟]

السلام عليكم




--------------------------------------------------------------------------------

(( ياصاحبي ماهي حكاية كرامة ** حنا خسرنا بسبتك ناس غالين ))


(( أحرص على اللي دايم الدوم شاريك .....وأحذر من اللي لا قسى الوقت باعك ))


(( كبر الخطا ماكل عذر يغطية ** مثل التعازي ما ترد المصيبة ))


(( نادت مشاري صاحو الخلق لبيه = من زينها كل الخلايق مشاري ))


(( مو مشكله كذبتك ياسبدي اليــوم** المشكلـه وشلـون اصدقـك بكـره؟ ))


(( ماقلت لي تقدر تحدى المقادير **وراك بدلـت التحـدي بالأعـذار ))


(( ماكل من يبعد به الوقت ناسيك **بعض البشر قدام عينك وينساك؟؟ ))


(( ماكل من يضحك مع الناس مبسوط **ياكثر من يضحك ونفسه حزينه ))


(( انا السما وانِِِِِت مثل واطي الارض ---- مهما كبرت في المساحات تحتي ))




(( تعبت أسال من المخطي تعبت أردد الموال **مادامك ما سقيت الزرع ما لك حق في قطفة ))

وهذا شعر يضحك ...



أحـــبـــك



يا غنوة الطربان
يا حكة الجربان
يا بيجري الخربان



أحـــبـــك

يا صورة الناقة
يا دودة مشتاقة
يا صلعة براقة



أحـــبـــك

يا ريالي المشقوق
يا قطوي المطقوق
يا ددسن مسروق

أحـــبـــك

يا بكت بوسطه زقارة
يا قرش في جيب طرارة
يا هندي لابس وزاره



أحـــبـــك

يا دلاخة البزران
يا دبة نعمان
يا هاف طرزان



أحـــبـــك

يا حلمي والكابوس
يا صورة الجاموس
يا جحة وسط مكبو

أحـــبـــك

يا قردي المزيون
يا ضحكة المجنون
يا فرشاة ومعجون



أحـــبـــك

يا أغبى الناس
يا قدر وملاس
يا وجه النسناس



أحـــبـــك

يا عمري المشطوب
يا برغي وسكروب
يا صورة السنتوب



أحـــبـــك

يا ريحة البالوعة
يا نملة مصروعة
يا نعلة مقطوعة



أحـــبـــك

يا طلقة المدفع
يا عقلة الاصبع
يا نقزة الضفدع



أحـــبـــك

يا فتنة الضعوف
يا نطحة الخروف
يا شينة الوصوف



أحـــبـــك

يا قملة بشراييني
يا بطة تناديني
يا ثلجة تدفيني ...

وهذا شعر الشاعر الكبير معاالي الوزير علي بن سالم الكعبي





كلمات : علي بن سالم الكعبي




شفت المزون الساريه وبروقها باتت تشيط=تلمع شرا التبر المصفى معدنه عالي القراط

جاريت بن طناف شفته للعلا سيره شطيط=شهم ٍ إذا عَزَم معزومه برق في علياه شاط

وانا يميني تخط خط منطلق ماهي قميط=وان قصرت يمناي مرفق قصها حد الاباط

ولأنه ابن عم ورفيق ودمي بدمه خليط=ومن هاش ياره هاش كيف إن صار بالدم اختلاط

وحروف شعره يشهد الله بالبحر غطت غطيط=والتقطت الدر المنقى من غزر بحره التقاط

شاعر ولايحتاج فزعه ولا لفا قوله لقيط=من فكر راسه يرسله... به الاوسمه العليا تناط

بالعزم يوصل مقصده مايازم مكتف ربيط=من لابه تفك الحبال العاصيه فك القماط

يسبك حروفه من ذهب ما ينسج بهدب وخيط=والبحر لو هو واجهه يشفط له أمواجه شفاط

والشعر سيفه يحفظه راعيه مايازم سليط=ولايجرح شعور العرب يخبط بمسنونه خباط

يحفظ لسانه لايوقوق من توقويق البطيط=وإن كثر بالحكي تكثر ابمضمونه اغلاط

قالوا عصا العزه قبل من زارها وابها غبيط=عيال النسا تكسر عصاه وتمرط العزه مراط

واللي مشا متخبطٍ ما يوزنه حكيه فريط=بيعلمونه بكل معنى شو معاني الانضباط

خلك بجوك يالخوي خلك كما الشهب المحيط=ولكل شيطان رجيم شهب يقطع له النياط

لان الجبل صم الصخر ما يشبهه طابوق حيط=ثابت وساسك تعرفه كل الزوايا والأوساط

قومك يخوضون البحر ما همهم كثر الشعيط=صنوف الشعر إلهم معاها كل قوة وارتباط

صاغوا الغزل فخر وعوايد والهجا شخطوا شخيط=درب الفرزدق مع جرير إن انهجوا شبوا الشخاط


عاداتنا لو شق مخطي بالفكر نفزع نخيط=نرفا الشفوق الكايده وبحكمة العاقل تخاط

انميز العدل من العوجا ولا نخبط خبيط=وانعرف شهر ايلول مع كانون وقته من شباط

والشعر معنا يحترم كل احترام وله ننيط=النا تواريخ وقوافي من عهود ابوقراط

واجب على الشاعر وجب من قبل تسجيل الشريط=يدرس ولادة جسم فكره ويغسلها م لمخاط

للراس مشط ايسرحه ... ولاشك للحيه مشيط=وهي بلا ذراع وجدايل يعني الاسم انتباط

كم شاعرٍ لي جاب راس من المثل جابه سميط=إذا كتبوا جنب البلاط أهو قراها جنبلاط

ما هو شروا الذيب شاعر فذ بالبحر الغويط=ولاهوب ابن طناف سباح العريضات الغواط

والله ما رديت لاجل انفخ شرار رقطا رقيط=رديت اهديها واسكتها بحيطه واحتياط

والكم سلامي والشعر كل يوم له حوت ومحيط=يبقى إلى أن يولجون الجمل في سم الخياط





[
الله يا زين :::]



الله يا زين الزعل في محيّاك = من شاف زينك ما تمناك ترضين

كلّك حلى لكن زعل وجهك أحلاك = ما احلاك من بعد الزعل يوم تهدين

ما شفت غيرك يشبهك في مزاياك = و ما شفت مثلي حايرٍ بين حالين

حتى ظلالك خايفٍ ما اتعدّاك = كنّه تهوّب خطوتك يوم تمشين

ما ظن تقدر كلمتك تلمس شفاك = وانفاس صدرك تلهبك يوم تحكين

ما كن قلب أنثى حملتيه باحشاك = يا رحمة الله بالبشر يوم تقسين

أهواك غصبٍ عن عيونك وبرضاك = وبكل حالاتك على الراس والعين

[
=::: ذكراك :::]






لي سيّرت ذكراك ع البال = سكّنت زولك في في خيالي

بهّرت لك من شعري ادلال = واشعلت من ضلعي دلالي

مثل الهدب غيباتك طوال = و بطول شعرك طول بالي

قلبك على كيفك ولا زال = أن جا ..هلا .. وان راح غالي

الحب ما يفرضه رجّال = ما هي من سلوم الرجالي

من لبسّوني أهلي عقال = ما خف وزني و احتمالي

خلّيت صدري مثل الأطلال = يا ليت صدري منك خالي


=::: ليش ما تنشد :::]




ليش ما تنشد عن أحوالي = و دوم أنا أنشد عن أحوالك


دامك انته يالغلا غالي = لا تخلّي مغرم ٍ هالك

يا محبّي يا هوى بالي = دوم خلنيه على بالك

بعدكم هم ٍ و غربالي = كان مثلي يا شقا حالي

جفنيه بالنوم ماذالي = و ان غفيت بنومي اشوالك

بالعيون السود لثلالي = نلت حسن ٍ والحسن نالك

ريم مالقنّيص يفّالي =ما يصيبك سهم ختّالك

انت فيك مرّكز آمالي = يعل مثلي صارت آمالك ..

[
ايعيش كفّي :::]




ايعيش كفّي ع الشرف والفضيله = والكف يفنى في سسبيل الفضايل
العز دايم والكرامه سبيله = ورث الجدود الغانمين الأوايل

واقصر يميني عن درب الرذيله = و آمدّها مدّات ذرب الفعايل

كم كف راح ولا يعوض بديله = يبقى مدى الأيام ضرب المثايل

و كم سيف ماله كف تقوى تشيله = لو رازته تشكي الوهن والثقايل

و كم سيف في قبضة يمينٍ ثقيله = للعز والطولات نايل وطايل

في كف شهم ٍ والمعاني دليله = سليل قومٍ كالسيوف الصقايل

يعشق مراقات الجبال الطويله = وكم مرة ٍ جاوز قميم الطوايل

والسبع لو يغفي بظله مقيله = ما توصله كود السباع الهوايل

قوة عزومه كالسيوف الصقيله = في ليل والا في شموس القوايل

ولعيون من صفّة رموشه ظليله = وانوار خدّه مثل برق المخايل

كفي على درب المكارم صميله = أحيا بها واموت والعمر زايل

[
الميزة وضوح :::]




مشكله لا صارت الميزه وضوح = ميزتك يظهر عليك اللي حصل

كيف تزعل وانت للبسمه طموح = ما يناسب راعي العليا زعل

كبريائك بلسمٍ يشفي جروح = تصدم اللي ينصدم بك يا جبل

موقفٍ مر وعبر خلّه يروح= عادتك تعبر مساحات الجهل

انت الأكرم لو تسامح يا سموح = عمر قلبك بالسماحه مابخل

اعرفك خيّال للظرف الجموح = فارس الخيل الجم خيول الجدل

النوايف ما تطاولها السطوح= ماعلى وجه البسيطه من كمل


[
=::: يا زايد العزه :::]





ما حد شراتك بو خليفه وشرواك = بحر الخليج يجف ريقه بدونك

مشهور شخصك بالوفا و صاب مسعاك = حتى قليلين الوفا يحشمونك

مخلص كأن الشرق كلّه رعاياك = حتى اليدين الغادره ما تخونك

كل من حكم يرتاح ذولا و ذولاك = عسى مجاليس الرخا يفتدونك

ماحد وقف لك بالعسر غير يمناك = انته قهرت اهل التعب و انت عونك

يا زايد العزة على عزة أعداك = يا زايد بقدرك والأجناس دونك

يا ريّس الدوله شعب دولتك جاك = بقلوبهم عبر الهوى يراسلونك



[
=::: الساريه :::]





لبيك بس آمر علينا فديناك = اله الشرف راس ٍ خضع لامر سيده

اكبر هدف لعيالك وربك رضاك = كل همنّا ننجز اللي تريده

أجهدت ترعانا و لك رب يرعاك = زادك إلهك وانت شعبك تزيده

الكل ماشي للوطن حسب مبداك = علمتنا خوض الظروف العنيده

يا بو خليفه لك علم في ثريّاك =ياخذ من الوانك صفات ٍ مجيده

اللون الأبيض بالعلم من نواياك = بيض النوايا الأولّه والجديده

واللون الأخضر من مكارم عطاياك = يدك السحاب اللي بروقه شديده

واللون الأحمر نخوتك في رعاياك = كلً جرى دم الحياة بوريده

واللون الأسود هيبه و ردع لعداك = يظلم طريق اللي نوالك مكيده

و الساريه طول المدى عزم يمناك = أم السواري بالمعالي بعيده

الرمل يا زايد عشق رمل عشق طيب موطاك= وفيك القلم يعشق يخط القصيده

اشّر وحي أمرك علينا و حيّاك = لبيك يا ذخر الوطن يا رصيده


[
يسقيك يا دار :::]




يسقيك يا دارٍ من الغيث هملول = حجاب السحاب اللي غيومه ثقيله

برقه لظى سيفٍ من الغمد مسلول = هطّال غيثه ما يوّقف هميله

يروي وطن غرٍّ به القلب مشغول = عزيز شانه والشرف والقبيله

جذاب نهّاب ٍ عن الغير معزول = رمشه أحّد من السيوف السليله

ينطق و منطوقه بالألفاظ معسول = يغنيك عن كثر المجادل جزيله

ودّه شعى قلبي على العرض والطول = وان شّك ياخذ من عيوني دليله

مسؤول عن حالي وانا عنه مسؤول= وان غاب عيني دومها تستخيله

يا كن قلبي لادغه م البحر دول = لا غطّ عن شوف المولّع خليله


[
وين ياعود مايس:::]

وين ياعود مايس بين حلو الغرايس=إسلبني رموشك والعيون النواعس
شوق روحي تمادى لاهدى ولا تهادى=يوم روض خيالي جامح الشوق نادى
كل من هم معايا لاحضولك غلايا=يامنير الليالي ياثريا سمايا
وجد قلبي وجوده في حضورك وجوده=في غيابك تغرب مبعدات حدوده
كيف انا أعيش دونك مغريني فتونك=كالبدر يوم تقبل نادر الحسن لونك
وين ياعود مايس بين حلو الغرايس=إسلبني رموشك والعيون النواعس


وهذا طولي عمركم شعر بن طناف يوم رد على بن الذيب يوم سب شعراء الامارات وهذا الصراحه رد قوي وجميل


كلمات : محمد بن طناف الكعبي




قولوا له ( ابن الذيب ) قولوا له عشانه يستشيط=أني إذا جيته أبسحب من تحت رجله البساط
ماني أبالغ في الكلام أو إن ذا زيف وخريط=ولا أقول ذا من حيث قلة عقل أو إنه اعتباط
ما يستوي يغلط ع/ خلق الله ويازم شيط ميط=مادام ماط الناس لابدّه يتحمل للمياط
الناس قامت تشتكي منه وهو أمره بسيط=إن كان يبغيها زماط أنا ترى قد الزماط
أها تحداني وشد العزم ما دامك نشيط=وإن كان ما عندك نشاط أنا بمدك بالنشاط
وإن كنت منته مقتنع فينا ترى ذوقك حطيط=وعديتنا مثل الطحالب وش نعدك الانحطاط
وين الملوك ووين شيخان العرب معْطى الصفيط=إذا نولك ف/ الشعر مالك على البركن صفاط
مثل الزعيم الفارس الشاعر يلي يلقب سَلِيط=لي ما يفوته شي يلقطها على الطاير لقاط
بو راشد محمد ابن راشد أبو الأمر القليط=على أبو أكبر شنب وأهل الممالك والبلاط
ولو ما أحاتي بالرّضا فزّاع ما خفت اللغيط=لي ما وفاه الذيب وأمثاله ولا شعر الأنباط
الشاعر الفارس الشيخ الراقي الشمخ البسيط=يكفي بأنك بس لو تشوفه تحس بالانبساط
إذا سمح لي طال عمره أستأذنه أقص الشريط=وإن ما سمح لي سيدي أمره ومع الأمر أتعاط
أقولها من حيثني بالله وبالله مستحيط=من كل شيطانٍ رجيمٍ واعمله وما به مناط
الشعر علمه مثل ميدان الكرة لعبة رهيط=اليوم تلعب به أساسي وبكره تلعب به إحتياط
يا الذيب علامك تحوّط وإنت شكلك ما حويط=بالشعر مستهتر وراعي الشعر تمسح به البلاط
وإنته ولا إنته قد لي تستعبطه ومنته بعبيط=أبا أنصحك نصيحةٍ أوضع ع/ الحروف النقاط
ما عاد نبكي ع/ الشباط المنشبط برّا الشبيط=ما قد قفا قد راح في حاله ولا يفيد العياط
وش لك تزمر صادعنّا طيط طاط وطاط طيط=ما حيدنا جيناك لديارك نبا نملي الشناط
إن كنت يا ابن الذيب بحر أنا ترى جنبك محيط=وإن كنت حايط لك على شلّه أنا بقومي محاط
لو ما طويل العمر فزّاع وزعله وما يحيط=ولو ما مراعى للشعور وخوفتي فك ّ الرباط
ولو ما عربنا والسلوم وخوفتي يدش الوسيط=لأعلن عليك الحرب من ساحل دبي إلى الرباط
يا خي إتق الله وخاف ربك والكِبر أكبر سِليط=على بني آدم يودي به على عوج الصراط
الشعر ما هو بملك لك ولنّه بالأمر البسيط=وإحنا بدوا ما نقبل الشينه ولا نقنا السياط
يا هيه وش تعلم عن الشعار عشانك تميط=لثامة لسانك وتوضع للشعر منك إشتراط
الشعر يا ابن الذيب ما هو بأمسية ولاّ سقيط=الشعر من قبلك و من قبلي ولا جاه انفراط.....ـــــــــــ.... __DEFINE_LIKE_SHARE__