بحر الحنان

[محروم.كوم]

الى من غابت عن العين ولم تغب عن الذاكرة الى ( امي )


بحر الحنان الي تدفق بطرياك
ياصل بوصلك وكم قاطع وصلتيه
وانهار جودك وما بذلتي بيمناك
ماله حصر وللخير كله صرفتيه
وضحكتك ( يمه ) صادقة في محياك
هي الدواء للي عليل وتشفيه
عاصرتي اسقام ومرض دوم وياك
وسلوتك مسح الدمع وياما ذرفتيه
ياما حملتي هم وقتً تحداك
وكملتي الناقص وبيتك سترتيه
ينسان ربي يوم افكر بنسياك
في ماقفً كل الملاء تجتمع فيه
حبوك كل الناس والله حياك
يا صورة للخير بأجمل معانيه
يا مسلحة بالصبر عن ضيم دنياك
ما خاب من خاوى الصبر في بلاويه
لك الدعاء منا من قلوب تفداك
ينزلك بالجنه ويرحمك ندعيه
يالله لك نرفع كفوف طلبناك
تقبل دعانا ولمي الخير تجريه
وتغفرلها في ماقفً يوم لقياك
ويازارع للخير بالخير تجزيه

شعر/ احمد الدمام __DEFINE_LIKE_SHARE__