مـقـنـاص وســوالـف وحــبــارا وأثـــاري وقـــصــيــد>>>>>>>>>>>>>>>>>الله يحييكم جميع

[محروم.كوم]

بسم الله الرحمن الرحيم ,,,,
السلام عليكم ورحمة الله وبركاتة :
صبحكم , مساكم : الله باالخير جميعاّ ياأعضاء مكشات ,,
حبيت أنزل لكم موضوع اليوم وهو مجرد تسلية لكم فى القيض
وأن اعجبكم فهذا المراد وان لم يعجبكم فى العوض فى موضوع ثاني ,
وأنتم صراحة شجعتوني على تنزيل المواضيع وهذا يدل على تميزكم,
وتقديركم للأعضاء المجتهدين مثلي والمبتدئيين على هذة الشبكة العنكبوتية ,,
وكل واحد منكم لة حق صراحة حبت خشم على تفاعلكم مع مواضيعي الله يبيض وجيهكم ولايصغركم وانا ودي اسمي كل واحد بسمة ولاكن الأسماء كثيرة التي تستحق التقدير والأحترام ,,,
أخترت لكم اليوم موضوع من بعض المواضيع التي مرة على العام الماضي وهي هذا طير طول الله فى أعماركم طرح فى الساااحل الغربي وأشتراة شريطي بمبلغ وقدرة 25000ألف ريال والشريطي باعة على واحد من أهل الرياض المهم الطير جاء لأستراحة معروفة فى بيع الطيور وخبرو بعض الربع أن فية طير مطروح وسالفتة كيت وكيت المهم رحت أناورصديقي العضو معني فى هذا المنتدي :تركي العتيق
نبغاء نشوف الطير ونشترية دخلنا الاستراحة وهذا الطير على الشبة
تقهوينا عند الربع وتخبرون انتم لقافة عوق الخريش قام لطير ,,,

وهذاصورة الطير مع الظهر على يدي اقلبة وديرة وشوف ريشة وكفوفة ,,,,

هذا الطير مع النحر والوجهة ماشاء الله هاوش رايك ياابوعبدالله والله مدري ياابومشهور ويش رايك أنت والله
الطير طيب وماكرة اطيب

المهم تشاورنا وآخذناة فى مبلغ وقدرة ؟؟؟؟؟؟؟؟؟؟؟؟؟؟؟؟؟؟؟؟؟؟؟3
مشين ووجهنا للمستشفي كشفنا علية العلم يادكتور طيركم سليم الحمدللة روح للأستراحة خل أنتعشاء ونقلبة من جديد هههههه

دهل الطير ابوعبدالله بخمس ايام وطلعنا وجاب الله لنا حبارى وهدينا عليها وعزلناة للفرخ وريناه الحباري قال أعرفها قبل أعرفكم روح يمها عطي الله وطقها وتنكس وذبحهااا غدة غدة يستاهل
المهم جاب الله لة ذاك الخرب المجنون هدة علية والله من بعيد وفى ارض
وعر طلبة الفرخ وروح الخرب ملعون الرقبة دق القاع مع الوعر يوم أتقاء عن الطير ومير يطيح بذيك الشطابة افاأفاياحض الفرخ اللى موحضيض المهم جلبناة ودورنا الخرب مالقيناة رجعة لة واحد من الربع اخر النهار يوم طار قدامة وهد علية وجابة الله ماشاء الله يستاهل الطير الثاني ,,,,

جاب الله بعد كم يوم وحدة وحنا نهدة ماشاء الله قلبها فوقناكم مرة وحول فيها

وهذي المقني عليها فى شعاف الرمثيات والله من السبق مواليدالعراق

المهم هدهدنا على كم حبارى رجعنا لديرة راحت الايام وانا يجيني دورة تبع الدوام فى الرياض وأنا اشيل أطيوري وروح لرياض والكلام هذا بأول الكراويين داومت يوم جاك يوم الربوع هاة العلم الصمان ياالذيابة مشينا روحنا لصماان وأمرحنا فى الدكاك يوم صار الصبح بدري وحنا نجهم الى مع الرمث واللى مع الوعر واللى مع الشعاف يوم صار الضحاء وانا على جرتهاا ابشروبهاا ياالربع كفوكفو ....... وهذي جرتهااااا

المهم مالكم فى الطويلة هدلا انت هد المهم هدينا الفرخ وخبرنا فية خبر السعد والله قصينها وطارات لحقهاوطبت ثم قشها وخالفتة وطارت لحقها رددها فوقنا لين علقهاا عطي الله الوحش لوكثرة عذاريبة؟؟؟؟
برد على قلبك ياابوعبدالله خلصت الموية علينا ولاتقطع قلبك اللي فيى يدك هههههه أنبسط والدنيا فانيه هذي حلاتة الحباري

يتــبــع

__DEFINE_LIKE_SHARE__