قطعة البوصلة ودرجة الحرارة للباترول (ترهيم)

[محروم.كوم]

بسم الله الرحمن الرحيم


السلام عليكم ورحمة الله وبركاته

كيف احوالكم بخير ان شاء الله

في صباح السبت رحت لتشاليح الحاير علشان قطعة الحرارة والبوصلة
لان موتري ربع 2012 واتوقع اغلب المواتر موجوده المواصفات من عهد فرعون واللي حصل اني لقيت القطعه وفكيتها وقصيت الفيش الذكر الي معه واخذت حساس درجة حرارة الجو مع فيشه الذكر وتوكلة ع الله .

العصريه حركة لصناعية النسيم والله واطيح بذاك الكهربائي قلت له تركب لي الحساس وتمد لي سلكين للتنده والله واشتغل وضبطه لي .

حزة المغرب جا وقت المخمخه ابركب القطعه والاسلاك كامله والكامل وجهه تعالى عندي سالب (الحديد اللي بالتنده) والموجب (السلك الابيض حق الوكالة علشان لو تبي تركب فتحه ) .

نبدا بالتركيب عندك 6 اسلاك المهمه 4 .
نبدا بالترتيب من اليمين لليسار وش تشبكه معه
رقم 1 تشبكه باحد اسلاك الحساس (موجب للحساس)
رقم 2 تشبكه بالسلك الابيض (الموجب المجهز للفتحه للتشغيل )
رقم 3 اتركه وظيفته يخفض النور اذا شغلت الانوار الاماميه
رقم 4 تشبكه مع سلك الحساس الثاني (سالب للحساس )
رقم 5 الى الان ماادري وش وظيفته لاكن يطلع منه شحنه سالبه (اتركه )
رقم 6 نشبه بالحديده او شد عليه مع مسمار النظارات ( سالب للتشغيل)


والحمد لله اشتغلت عندي الحرارة والامور تمام ومبسوط لكن دايم ينقص شي غصب ):

البوووووصلة يأشر الخط ثمن تطفى وتبقى الحرارة شغالة جربت اضغط 5 ثواني واختار رقم 7 وماضبط جربت اضغط 10ثواني ابرمجه يدوي تأشر نفس الكلام وتطفى .


ف ياجماعه اللي عنده خبره بتشغيله الله يجزآه خير دنيا واخره او يضبطه لي مايقصر ابد


وجزاكم الله خير جميعا واتمنى الشرح واضح للتركيب واتمنى بالمقابل حل للبوصلة استودعتكم الله الذي لاتضيع ودائعه ❤ __DEFINE_LIKE_SHARE__