سالفة:هُنا القاااااااااهِره..قوافي

[محروم.كوم]

مشرفينا الافاضل

إخواني ،،أخواتي المكشاتيه

زوارنا الكرام

كانت إذاعة القاهره مميزه وكنت أحس الارض تهتز ومُذيع المذياع يقول:

هُوووووونااااا القاااااااااهِره

حلمت بزيارة القاهره وتمنيت ان ازور قاهرة المعز،، وما تمالكت نفسي من الفرحه يوم قال الوالد عنده عمل بمصر وبياخذنا معه لمدة اسبوعين..

سافرنا ووصلنا المطار وحقيقةً كان جميل ..

استأجر الوالد شقه صغيره على ما أتذكر بالمهندسين..

والكلام هذا من 40 سنه

بآخر الاسبوع الاول من وصولنا للقاهرة المعز طلع بنا حبوب انا واخواني فصرنا تقل مخروشين بشوزل وكنت مبسوطه أدامها من هُناااااااالقااااااااهِره..

قالو ان هذا من تغيير الجو وشارت الحرمه اللي تساعد الوالده بالبيت الله يجزاها خير حيه او ميته ان كل العلاجات ماراح تفيد ولازم تودونهم عين مالحه تسمى عين السيره او الصيره،، وتوكلو الوالدين على الله وضفو المخروشين للعين عشان نسبح وتموت الحبوب..

وصلنا بعد مشي ساعه ونص بالسياره وقالت الحرمه بنستأجر لصتك للولد الصغير أخوي((دلة الملوحي)) والباقين كبار والماء المالح ما يغرق اهم شي خلكم قريبين بالاطراف او على الجال لا تروحون بعيد..

طبينا ودلة الملوحي باللصتتك ويوم تطمنت ان الارض قريبه قلت بمشي شوي بالماء وحطيت رجلي ومادري وين زلت رجلي وانا اللي اشرب ماء لين غديت بحل يالحمة القفر من الملح المهم رجعت بسرعه مكاني وما قلت وش صار لكن ما عاد اشوف ..

رجعنا للبيت وحنا بالطريق واقف الشارع وشرطه ودنيا !!

وش فيه؟؟

قالو الريس يعني الرئيس بيمر من الشارع ((كان ايام رئاسة محمد انور السادات )) ،،ومن ناحيه أمنيه ممنوع تمشي السيارت قبل مرور الموكب بساعه ..

والين السواق واقف جمب نافورة مويه ..

الملح لاعب بنا انا واخواني وخلاص انقلبنا بيض والملح حار ومابعد مر ولا نص ساعه على وقوفنا ويشغل سواق السياره الرادو على الاخبار يوم قال:

هُوووووونااااا القاااااااااهِره

ريضين مب ماشين وبيسمعون الاخبار وثاني هنا القاهره!!!!

وانا اللي افتح الباب انا واخواني وعلى النافوره واخواني وراي وطبشششش بالمويه !!

هُوووووووووونا الرياض ،،نبي الرياض..

وعقبه ألين فتحو الرادو قلت الله يخليكم حطو السعوديه..

تحياتي وتقديري واحترامي

..قوافي..

__DEFINE_LIKE_SHARE__