مشكلة السينكرونايز؟!

[محروم.كوم]

يا جماعة الخير أنا مو متعود ولا أبي أتعود على هالشي
بتنبط تسبدي على قولتهم

يعني إذا سويت سينكرونايز على جهاز واحد لازم أتم حياتي كلها أسوي السينكرونايز من نفس الجهاز ولا كل شوي بخسر ملفاتي وبرامجي على الآيفون .. شهالحاله

يعني أنا في البيت عندي ديسكتوب
وإذا سافرت سفرات قصيرة أو طويلة أستخدم اللابتوب
وإذا بالدوام أستخدم جهاز العمل

وأحيانا أحتاج أسوي سينكرونايز من هالأجهزة هذي كلها

صراحة شي غثيث ويمكن يخليني أندم على شرائي لهالجهاز اللي ما حصلت من وراه إلا التعقيد
البوكيت بي سي مع مشاكله كثير أرحم من هالتعقيد

يعني فايل منجر ماكو .. شلون لو نبي نحط ملفات من عندنا بدون سينكرونايز
تصوير فيديو ماكو .. وين قاعدين بالعصر الحجري!
رسائل وسائط معفنه .. لا تقدر تضيف موسيقى ولا ملفات تكست ولا شي .. لو مو حاطينها بعد يمكن أرحم!!
نغمات وملفات فيديو لازم عن طريق الآيتيونز عشان تحولها لصيغة يدعمها الجهاز .. ليش هالإحتكار!!
تحويل المكالمات على الجهاز بدائي جداً .. يعني لازم تستخدم الأكواد اليديوية يعني لازم تحفظهم بالعربي؟! شالله حادني عليه؟!
الشبكة لازم تلقائية .. طيب أنا أبي أجبرها تكون على الجيل الثالث عشان مو كل شوي يقعد يطامر لنا الجهاز من 3جي إلى 2 جي إلى جيبي آر اس؟!
انترنت تيثيرينج قال لك لازم إذا مشغل الشبكة سمح لك؟ بالله شوو سمح لي ولا بالطقاق .. الجهاز جهازي وأنا دافع للشركة بدل خدمة انترنت على الجوال .. شحشر حضراتكم بالسالفه؟
قال الجهاز رخيص .. من يقول ، رخيص للي بياخذون شي باحتكار وعقود وخرابيط؟ بعد شالله حادني؟!

كثير من الأخبار والدعايات اللي سمعناها عنه كذب بكذب
واحنا الضحايا .. وين البطارية تقعد 5 مادري 9 ساعات تصفح نت عبر الوايفاي
إذا قعدت ساعة هذا وجهي :eek2: .. يمكن يقصدون تخلي الوايرليس مفعل بس بدون ما تتصفح .. إذا كذا صادقين بس اشعرفنا انكم نصابين يا أبل؟!

يعني والله دافع 2800 ريال .. وأبي أحس فيها بس مو قادر

يوم أخذت n95 أول ما نزل حسيت اني ملك
أول شي حر في الجهاز زي ما أبي
لا سينكرونايز ولا هالخرابيط المهببه
وارسال قوي وشبكة زي الحلاوة
وبطاريه عسل
وجي بي اس
ونظام سريع
بس كان ناقصه التتش والبراوزر حق النت

لكن هالآيفون أحس انه غلطة عمري الثانيه

والأولى للمعلومية بس هي شرائي الآيميت Ultimate 8150 .. جهاز ما استخدمته لأنه أصلا مليان مشاكل من بدايته ولا صلح شي لا بعد تحديث ولا غيره ..

والثاني الآيفون .. لأنه معقد حياتي .. يعني شلون أم النذاله
الواحد بفلوسه وهم مذلول؟! ما أقول إلا حسبي الله ونعم الوكيل على هالشركات اللي نازله سلب لفلوسنا عالرايحة والجاية .. والمصيبه ان احنا نطاوع ..


صراحة .. أعتقد لهنا وخلاص .. تعلمت الدرس
وهو اني ما أشتري جهاز قبل ما أجربه .. أو أشوف واحد من مجانين الموضه وأسأله عن تفاصيل الجهاز عشان أتأكد انه يناسبني أو لا ..



اللي يقول اني غلطان بكلامي .. الله يحيه .. خل يقنعني ..

__DEFINE_LIKE_SHARE__