سحاب - والجار قبل الدار

[محروم.كوم]

السلام عليكم ورحمه الله وبركاته


هلا بالغالين ومرحبا

انا يوم قريت سالفه اخوي صارم حرب ذكرت سالفه مبطيت موحيها

وهي لواحد من الشعار حاط له بيت شعر في بيته وهو الي يسوي قهوته لربعه وجيرانه الي يلفون عليه للسوالف والشعر وسعه الصدر
يقول كان عندي جار ونعم الجار بس انه رحل عن داره لديره ثانيه
ويقول وسكن مكانه واحد شكله من المتحظرين بزياده ومن الناس الي درسو في امريكا
يقول اول ماسكن الرجال وهو مزعجني عنده كلب وعنده ديك والكلب ينبح والديك يصيح ونا استحيت اروح اقوله تراك ازعجتنا بالديك والكلب قلت جار وعيب اقوله كذا لياه يزعل
يقول مادريت يوم من الايام الا يوم طق الباب ونا جالس في خيمتي ادق بالنجر اسوي قهوتي ويوم صحت عليه اقلط يالظيف ماحولك احد حياك الله يقول ومادريت الا هو جاري راعي الكلب والديك ولاه يقولي يخوي تراك ازعجتني بصوت النجر وتصحينا من المنام الا قمتا ترنع ذالنجر
يقول الرجال قلت ان شاء الله يالجار الغالي مالك الا طيبه الخاطر ولا تزعل يالغالي
يقول مسكت نفسي ونا ابا اقول يخوي سكت الديك الي يصيح عندك وسكت الكلب الي مايسكت من نباحه ليل نهار بس يقول مسكت نفسي بحكم الجيره
ويقول راعي النجر ويوم صرنا من بكرا ونا الي ادني النجر ابا اسوي قهوتي ونسا جاري وزعله ويوم صرنا بعد صلاه الظهر بساعه الا يوم طق الباب وقمت ابا اشوف منهو ولا والله العسكري الي يبيني قلت اقلط يالرجال قال انت فلان جار فلان الفلاني يقول ايبلاه وهذا بيته جاري من شمال يقول قالي العسكري تعال نبيك في مركز الشرطه يقول قلت للربع الي في الخيمه المحل محلكم ونا ابا اروح شوي وجايكم يقول ويوم وصلنا عند الظابط وسلم عليه وقالي انت تعرف فلان الفلاني يقول اني قلت هذا جاري جديد ساكن شمال عن بيتي قال الظابط جارك يبي من يكفله عليه ثلاثين الف ريال ونه يقول ما اعرف احد فيذا الديره الا جاري فلان وهو معروف في الحاره ببو فلان يقول وش اسوي ونا هلحين في مركز الشرطه ولانيب طالع الا بالعلم الطيب يقول قلت انا اكفله ولوي مااعرفه بس يكفي انه جاري
يقول قال الظابط الصدق يبو فلان جارك مايبي من يكفله جارك شاكيك يقول انه ازعجني بالنجر ليل نهار وهو يرنع وحذرته ماسر فيه يقول قلت للظابط تقوله صادق قال اي والله صادق وهذي شكواه
يقول هلحين بدال مااشكيه انا على نباح الكلب وصياح الديك يروح يشكيني على صوت النجر الله اكبر
قال ان الظابط قال يبو فلان انت علمك غانم وتبي تكفله بس انا امزح عليك مهوب مديون انت رح لبيتك وخل جارك عندنا نبيه يقول والله ماهناني العيش في بيتي وبحكم اني مستاجر دورت بيت ثاني وسكنت فيه وبعدت عن ابو ديك وكلب وعلى قوله الاولين

الجار قبل الدار

وسبحان الله والحمد لله ولا اله الا الله والله اكبر عدد خلقه وزنه عرشه ومداد كلماته ورضا نفسه

__DEFINE_LIKE_SHARE__