يا أهل الشعر ياللي تخطون الأبيات .... ياللي لكم في مجلس الشعر هامه

[محروم.كوم]

بسم الله ... تجديد عهد بالخيمة ... والمعذره على قلة الدخول

#poem_5431ecba4358f td { font-family: Tahoma, Verdana, Arial, Helvetica, sans-serif; font-size: medium; font-weight: bold; } يا أهل الشعر ياللي تخطون الأبيات ياللي لكم في مجلس الشعر هامه عندي علوم وخاطري ما رضى سكات و يالله سترك و العفو و السلامه من داوم المعروف ما مات لو مات ويظل دايم في سمانا علامه و من جاحد المعروف ما عاش ساعات لو هو صفى يومه و شهره و عامه ما باتت جفوني من الضيق ليلات و النوم عني انساق سوق الغمامه من فعل رجالٍ ذخير الشكالات سمح الجناب وغاليٍ لي مقامه حقه علي إني أعيد الدعاوات وحقي يجيب بكل ذهن وفهامه يا سارح التفكير لاهنت بالذات ترا قصيدي في رجالٍ شهامه اللي لهم في ضيق حالي مساحات واللي بهم نوري لاجات الغتامه فاقد خوي.. عني مقفي.. سلامات عسى الأمور تكون خير بكلامه عله يوضح ما تخبى وما فات وأنا اقبله لو كان نهجه ملامه وختامها صلو وزيدوا الصلاوات على النبي شفيعنا بالقيامه

وسلامتكم

__DEFINE_LIKE_SHARE__