تدور خيمة او ( مقلط) لرمضان ادخل و خذ العلوم ببلاش

[محروم.كوم]

السلام عليكم و رحمة الله و بركاته الصورة: http://uaesm.maktoob.com/up/uploads/4405dbc510.jpg *الصورة منقولة *مرحبا بالجميع تدرون هالايام الناس تبغي تسوي لها خيم ولا مجالس بس ما يعرفون وين ولا شقايل انا بدلهم لوجه الله عالطريقة الي سويتها ولا ابغي الا سلامتكم . لان بصراحه عندنا في البلاد و بوظبي خاصة النصب على عينك يا تاجر يعني خيمة 6 في 5 بتكلف اقل شي 25 الى 30 ألف الى 50 اذا مجهزة من داخل الموضوع بسييييط جدا و ما يباله الا مشوار للرياض و المكان اسمه حراج بن قاسماشهر من نار على علم فالرياض واذا ما عرفته اقرب تاكسي بيدلك فيه اكثر من 30 محل تفصيل خيام و مجالس برخص التراب . و نوعية ممتازة انا سويت خيمة مثل الي فالصورة قياس* 8 في 10* و مواصفاتها - *عازل حراري وعازل عن المطر**- ديكورات داخليه فنانه جدا مع جلسة عربيه بالكامل **- مشب داخل الخيمة **- 4 درايش المينيوم مركبات فالخيمة**- اماكن الليتات و المكيف داخل الخيمة مخفيه و راكبة عالديكور**- فالخيمة من النص مرتبين مكان للثريا**- جميع الوصلات الكهربائية موجودة و جاهزة **- التوصيل لباب البيت في الامارات* ما عليك الا تسوي للخيمة صبية اسمنت و تثبتها عليها *كلها على بعضها بالتصميم الي اباه و بالجلسه الي اخترتها و اللون الي بغيته ب* *ب* *ب* *14 ألف درهم مع التوصيل للبيت * انا جبتها على شاحنه عن طريق المحل .و من الغويفات للبيت وصلت ويايه 45000 ولا بعتها ^_^ بس الشي الوحيد الي لعوزوني يوم اوصلت الحدود قالوا لي خذ لواح برتقالي و حطه عموترك و امش وياهم بس والله كانت تسوى تعبها . حلوة و برخص التراب و احسن عن الي موجودات فالبلاد لا يهمك المشوار شوف لك خوة طيبة منها تمشيه و منها خيمة :075: واي استفسار حياكم عالخاص


أكثر... __DEFINE_LIKE_SHARE__