من اول سالفه جرحي للشاعر ناصر السلمان

[محروم.كوم]

سالفة جرحي





من أول سالفة جرحي وهذا الحال وطاف الحول

تعبت أبحث عن حلولٍ تخفف من عنا حالي

من أول سالفة جرحي وأنا عن عالمي معزول

ولا حي درى باللي من المحبوب يجرا لي

بعد ما غاب عن عيني وخلاني كذا معلول

وش اللي صار يتركني بدون أسباب بلحالي

وش الحيلة وأنا اللي دايمٍ بالي معه مشغول

خياله ما يفارقني طوال الوقت في بالي

أنا المفتون في حبه ملك قلبي بعرض وطول

وأنا اللي كنت أظن انه على هالحب يبقى لي

توهقت بغرامه لين شيَّلت الخفوق حمول

لأني ما هقيت إنه يكون أسباب غربالي

ألا ياليت ما حبيت وسقت الحال للمجهول


وألا ياليتني ما جيت في دربه ولا جالي

عسى ما هي نهاياتي أكون العاشق المقتول

ضحية حب من هانت عليه يموت له غالي

على الله يا معذبني ألاقي للخلاص حلول

وتقضي سالفة جرحي معك يا متلفٍ حالي



للشاعر ناصر السلمان __DEFINE_LIKE_SHARE__