يا بوفهد لا صرت تنشد عن الحال..!!

[دانة الكويت]

السلام عليكم..

يبتلكم قصيدة يديدة

قريتها بأحد المنتديات وحبيت تشاركوني قرايتها


القصيدة من وجهة نظري حلوة وصح لسان شاعرها بس اظن فيها شوية كسور شرايكم؟؟

اخليكم مع القصيدة..:

يابو فهد لاصرت تنشد عن الحال

حالي بها ياخوك عشرين عله

لي صاحب يسوى ثلاثين رجال

كل شهد وانا بعد شاهد له

طيب ....وفي .....كريم في كل الاحوال

ومن عاشره اقسم قسم ما يمله

كنت اتعذر له اذا زل او عال

بيني وبينه ماتجي اي زله

ما كنت اظنه يسمع القيل والقال

الين ماقفى وانا مقبل له

كشر بوجهي واحسبه ضايق البال

واقول في نفسي : مهي عاده له

اثره سمع يابو فهد هرج الانذال

حطوني ابغظته وانا منصح له

واليوم ابيك تحلها وانت حلال

يا سيفي اللي لاتضايقت اسله

يا طيب فعلك يوم اطالع بالافعال

انا اشهد ان اللي يغلك تغله

يابو فهد كن المراجل لك عيال

والطيب كنه عود وانت ولد له

ابيك تنشد وش بلا صاحبي مال

رح وشف وشبه تغير وقل له:

كانه يبيني حاول تحل الاشكال

وكانه مقفي جعلها سفره له


دانووه __DEFINE_LIKE_SHARE__