+*+ من تحبّـــه +*+

يتيمه زايد · #1 03-03-2008, 11:46 PM

+*+ من تحبّـــه ( شـــوف ) +*+
-+*+-
من تحبه عنك ما يقوى البعاد *** لو يهاجر شوف باكر لك يعود
-+*+-
من تحبه عنك ما يقوى البعاد *** لو يهاجر شوف باكر لك يعود
مرجعه ذاتك وشوقه زاد زاد *** كيف تعلى العين حاجبها وترود
يختلف الإبهام وغيره كالعباد *** حد كريمٍ وحد في الدنيا جحود
يا وليف الروح معلاق الفؤاد *** من يقول الحب يذبل كالورود
-+*+- --------------- -+*+-
من تحبه عنك ما يقوى البعاد *** لو يهاجر شوف باكر لك يعود
-+*+- --------------- -+*+-
هل تلاشى كلّ شيِ مثل الرّماد *** والحدود اليوم تخلى من الحدود
في سوادٍ كيف تمطر في سواد *** الأسود اليوم تنهبها فهود
لا تخاف القلب قلبك لك وكاد *** صايبنه في هوى غيرك طرود
لا جماد ولا هو حي ولا جماد *** والمشاعر ما تماريها جهود
-+*+- --------------- -+*+-
من تحبه عنك ما يقوى البعاد *** لو يهاجر شوف باكر لك يعود
-+*+- --------------- -+*+-
لك غلا يزداد فاق الاعتياد *** طاريٍ في زودته تفدون زود
في بلادي إنت لي وحدك بلاد *** وغربتي ما غرّبت وعد وعهود
الْتِلف ما بيننا عدله وساد *** هذا صمت العاصفة وهذي السدود
دام كل اللي مضى و إن راح عاد *** وش بقى ميثاق يا ذكرى الوعود
-+*+- --------------- -+*+-
من تحبه عنك ما يقوى البعاد *** لو يهاجر شوف باكر لك يعود
-+*+- --------------- -+*+-
ما وقف قلبٍ يحبك بانحياد *** ويفرق اللي لك يجود ولك يجود
والظنون اللي هواجيس اعتقاد *** ردّها في عين كل عاذل حسود
من لجا للصّبر يبلغك المراد *** خص نفسٍ تسمو العليا صعود
أصبح وأمسي وشوقي في امتداد *** وأترقي الجامح الصّبر بصمود
-+*+- --------------- -+*+-
من تحبه عنك ما يقوى البعاد *** لو يهاجر شوف باكر لك يعود
-+*+- --------------- -+*+-
عرش قلبي عرشك إنت في انفراد *** يا صخي النفس يا ترف الخدود
إنت ليل الشوق فعيوني سهاد *** والعيون اللّي تناظرها شهود
ترتضي بحبّك بوجداني جياد *** في وجودي إنت لي كلّ الوجود
خذت قلبي قبل عيني يا الوداد *** وإن بغيت الزود لك ينقاد قود
__DEFINE_LIKE_SHARE__

ღشمـوس دبـيღ · 03-03-2008, 11:52 PM

صح لساان قايلهااا

تسلمين حبوبه ع النقل
لاعدمنااااااااااج __DEFINE_LIKE_SHARE__

22الهاجس22 · 03-04-2008, 12:00 AM

يعطيج العافيه خيتو ع الطرح الرائع

أبداع ف ابداع
ننتظر الزود منج..
ربي يحفظج
تحياتي لج....الهاجس __DEFINE_LIKE_SHARE__

εïз~اَلِمَيّث}● · 03-04-2008, 09:39 AM

~---{ صح منطوق الشاعر

كلمات قمه من الرووعه

ربي يعطيج الف عافيه ع الطرح الذوق

ربي لاهانج الغلا

ونترقب كل يديد من جداج

السموحه ع القصور

اختج

غ ـيمه فـ سماكم }---~

[ تم نقل الموضوع للقسم المناسب ]

__DEFINE_LIKE_SHARE__

غرشوبة العيايز · 03-04-2008, 12:19 PM

تسلمييين عالنقل الغــأأأووي

عالعووق يبتيهــــــا

تقبلي مرووري
والسمووحهـ عالقصور __DEFINE_LIKE_SHARE__