لقائي مع خليل الشبرمي..

[مجبور الفراق]

السلام عليكم ورحمة الله وبركاته

في تاريخ 1 / 3 / 2008 يوم السبت إلتقيت بالشاعر خليل إبراهيم الشبرمي .. الشاعر القطري المشارك في شاعر المليون, من خلال أمسية للشاعر الكبير عبدالله بن عون العتيبي في مهرجان الدوحة الثقافي

أنا مابي أطول عليكم بقول لكم شنو صار في المقابلة

شفته مع الجمهور المتواجد في الأمسية ومن خلال الأمسية قلت بكتب له بيتين أقولها له إذا خلصت الأمسية من باب المداعبه....

المهم البيتين هي مجاراة لأبيات الشبرمي ليت فرخ الحمام

الشبرمي يقول

ليت فرخ الحمام عصير ما عاد يسجع
..........نقض جروح قلبي والعنا والمواجع

آه واحسرتي.. يا ليت ما فات يرجع
..........بس ماهو براجع..بس ماهو براجع


وأبياتي الي كتبتها هي..

ليت كل الغبار إن طار ما عاد يهجع
........لين يرجع وليف(ن) صد والصد فاجع
يتعب القلب صده والحنايا توجّع
.......أسهر الليل لجله والعرب بالمضاجع

قابلته وقلت له هـ البيتين من باب المداعبه
وأشاد بالبيتين أبو أديب وشهادته أعتز بها

وسولفت معاه إشوي وسألته عن شاعر المليون
وكان مبين من وضعه إنه مستاء من البرنامج..... هذا والله أعلم

قلت له




البيرق يا أبو أديب إن شاء الله تاخذه





قال لي



البيرق مب الجنه

....

__DEFINE_LIKE_SHARE__