بخصوص الطاقة الشمسيه .. من له خبره يساعدنا

[محروم.كوم]

السلام عليكم ورحمة الله وبركاته
العلم يا اخوان عندنا مخيم والمواطير ما نفعة معنا أول ما طور صيني 3000 شمعه وخرب من اول شهر
والثاني روبن بنزين 2900 شمعه وخرب بعد ثلاثة شهور وصلحناه وخرب والثالث هوندا صغير وبعد كم شهر خرب .
وسئلنا الوكاله قال كم المده الي تشغلونه قلنا في الأسبوع ثلاث ايام ولكن نشغله من بعد المغرب ولا يطفى الا صبح بعنى أقل مده 7 ساعات قال هنا المشكله يقول بالكثير يشتغل 5 ساعات وتطفونه يبرد شوي ثم تشغلونه وهذي الطريقه ما تنفع معنى .
الزبدة بما أني عضو في مكشات وكلوني بالمهمه ونبي الطاقة الشمسيه مع العلم اني لا افقه في انوعها شئ .
المخيم شغلاته بسيطه .
1/ تلفزيون ورسيفر
2/ عقد لمبات عددها 9
3/ مروحة رذاذ الي ارتفاعها 1.5 من ساكو
الزبده ابيكم تحسبونها وتعطوني اعلم
وش الحجم الي اشريه والنوعيه الي ما اتفشل بها مع اخوياي
ومن وين اشريها مع العلم اني بالدمام ولكن اذا بالرياض تهون __DEFINE_LIKE_SHARE__