دينالي حوض 2013 صوت المروحة عالي

[محروم.كوم]

السلام عليكم ورحمة الله وبركاتة :
صبحكم الله بالخير والرضا والسرور ان شاء الله
الموضوع :
سييرا دينالي حوض 2013
مادخل السيرفس الاول ماشي 3700
اول مشكلة بدأت المكيف تغير تبريدة الي 80 بالمية
وقوة دفع المكيف علي رقم واحد شبه ضعيفة
تحديدا من شهر الصباح اذا جيت اطلع العمل الساعة 7 اخلي المكيف علي درجة 2
مع انه قبل ظهور المشكلة كنت اخليه علي درجة 1 واغير توجية الريش لانه كان بارد

المهم هذا ليس هو الموضوع الاهم ولكنه مقدمة لمشكله تبعتها
بعد وضع المكيف تبعتها مشكلة اخري وهي :
في الفترة المسائية او الظهر والسيارة متوقفة تحت المضلة ومركونة لسبع او ثمان ساعات
اذا شغلت بالريموت طبيعي يشتغل المكيف معه
المهم صوت السيارة مثل صوت المرسيدس جدا قوي
وبنفس الوقت اذا جيت طفيت السيارة وشغلتها مع المكيف يروح الصوت وتشتغل بشكل طبيعي وجدا واضح المكينة مرتاحة
والمهم صار يطلع صوت المروحة القوي حتي اثناء المشي
والسيارة ماهي حارة مازالت باردة استخدام عشر دقائق

المهم الا هي بالوكالة صار لها عشر ايام
وكل يوم يشغلونها مايطلع الصوت والمكيف صار تمام
وقالو مافيها شي تعال اخذها
قلت لهم مستحيل ويوم جيت شغلتها طلع الصوت
المهم المهندس او الفورمن قال انا اول مره اشوف كذا لكن اعتقد هذا طبيعي

رديت عليه وقلت هذا طبيعي لمن تكون السيارة حارة وانا عارف انها مروحة ميكانيكية وهذا شئ زين
بس ماله داعي تشتغل من البداية واذا جيت طفيت وشغلت السيارة تختفي
عملو لها جميع فحوصات الكمبيوتر قدامي وكانت كل المؤشرات تمام
مازالت السيارة عندهم والجماعة متساعدين وشتبي نسوي لك ونغيره حاضرين
المهم ياجماعة الي عنده دينالي هل صوت المروحة يحصل معه اثناء تشغيل السيارة بالريموت __DEFINE_LIKE_SHARE__