قصة جريفان الحربي وساير المطيري

[محروم.كوم]

السلام عليكم ورحمة الله وبركاته
اخواني اخواتي
يسرني ان اقدم لكم هذه القصه والتي امل ان تنال استحسانكم
فيه رجل من قبيلة حرب اسمه جريفان المخلفي الحربي ورجل من قبيلة مطير اسمه ساير العضيله المطيري اجتمعت بينهم الجيره والرفقه فيوم جاء وقت القيظ ( الصيف) كانوا البادية لاجاء وقت الصيف يحتاجون للعدود والمواريد جريفان لـــه بيــر فــي ديـــره من ديـــارهم اسمـــها ( النحيتيه ) تابعه لمنطقة حايل جنوب يوم جاء وقت القيظ قال ساير ياجريفان انا ودي توجدون لي شربة على الماء وكان ساير عنده قطعه من الغنم واجد فقال جريفان خلاص لك شربه معنا يوم بدو ياردون على وكان الماء شحيح ولابد من وجود حل فقال جريفان لجماعته يوم لنا ويوم لجارنا قالوا جماعته هذا الراي المباركـ تمت الجيره بينهم ثلاثة اشهر ومايجي عند جريفان ضيف ويغديه الى ويعشيه ساير
انتهت فترة القيظ راح ساير لديارهم ولجماعته بقي فترة من الزمن بعد عدة مواسم طاح الحيا وربعت الارض الا ان جريفان اللي معه من الحلال كله راح فبدو الناس يبحثون عن المنايح
والمنيحه هي اللي يحتاجونها وقت الحليب ثم ترد على اصحابها .. فبدو يتذكرون كل يذكر رفيق له
جريفان فكر وتذكر وطرى عليه جاره ساير فركب بعيره وتوجه للبحث عن ساير لين وجده
حل عليه ضيف وعشاه واكرمه وفرح فيه
قال جريفان ياساير يوم الله رزقنا بالمطر وان الحلال اللي عندي كله ذاهب ولاعندي شي واليوم والله اني ابغا منك شاه ولا شاتين ابي احتلبهن انا وعيالي لين ينتهي وقت الربيع واردهن لك
قال ساير مايكون ان شاء الله الا خير يوم اصبح الصبح وتقهوا وافطر وعين من الله خير قال ساير لاهله وكان عنده بيتين زوجتين والغنم يقسمها على البيوت قال لهن اليوم تجمعون الغنم وتلحقون عيالها معها يوم سرحت الغنم قال ياجريفان تقهويت قال نعم قال خلنا نلحق الغنم لعلنا نحصل لك شاه ولا شاتين تقضي بهن لزومك
لحقوا الغنم يوم جاء الغنم قام ساير وقسم الغنم من النص وتأكد ان هذي اللي معها عيالها والثانيه اللي معها عيالها
قال ياجريفان قال سم والله ان القسمه هذى من نصيبك وانها عطيه ماهي منيحه
حط جريفان يده على راسه وقال ياساير والله اني ماجيتك ابليك في حلالك على شأن تعطيني
قال انا اعرفك ياجريفان يوم احتجناك لقيناك واعرف انك رجال كفو وعلمك غانم واليوم الله منعم علينا واللي رزقك فيها الله
اخذ جريفان الغنم وهو بالطريق لقا واحد من ربعه يشتم نفسه ويندب حظه قال ويش فيك يامحمد قال انا ماالله كتب لي شي لكن الغنم اللي معك من هي له وكيف جبتها

قال تخبر جارنا ساير هذي نص غنمه قسمها لي والحين والله انها قسمه بيني وبينك
هذي كانت من الموافق الجميله بين الرجال ولا يستغرب على الرياجيل الطيب
انتهت القصه
انا سمعتها من الراوي منيف الشويب المطيري يرويها عن الشيخ ماجد عيد المخلفي
اتمنى ان تنال اعجابكم والسلام عليكم

__DEFINE_LIKE_SHARE__