مع بداية وقت مجازر الضبان عندي كم سؤال

[محروم.كوم]

السلام عليكم ورحمة الله وبركاته

مساكم الله بالخير

فيه هذا الوقت الكل يخبر ان الضبان تواجه مجازر واسراف من صغار العقول والمهايطيه

انا من عشاق وممارسين صيد الضبان لاكن بدون اسراف ونشر صور وغيرها واهم شي في وقتها المحدد بعد وضع المكون للبيض

عندي كم سؤال وطلب منكم ولكم الاجر من الله سبحانه

انا كل سنه اطلع لسوق الحمام بالرياض واشوف الاسراف والاعداد المهوله من الضبان اللي متجهه الى الانقراض بشكل قوي ولا احد يخفى عليه الشي ذا

كم من منطقه حول الرياض كنا نطلع لها ونصيد فيه الان لو تجلس فيها يوم كامل لن تجد شي بدون مبالغه مثال (كبري الجمال على طريق القصيم وملهم ودقله ) كانت الضبان فيها بكثره قبل 6 سنوات وتصيد غداك وانت مرتاح وايضآ ( رماح والرمحيه ودوار العتش والصياهد )تدور يوم كامل ماتحصل غير واحد ولا اثنين والسبب ليس الصيد بل الاسراف لو كان الصيد بالعقل وبدون اسراف وفي وقته المحدد والله ان يبقى في محله مثل اول لاكن الهياط اللي لعب في ربعنا يصيد 100 ولا 50 ويجلس يصور فيها يومين تقول انه صايد وعول ولا ارانب هذي هي اكبر مشكله

انا طلعت العام اللي طاف لسوق الحمام وشفت الهبال اللي صاير واتصلت على حماية البيئة لاكن دون جدوه حسبي الله ونعم الوكيل والله نصها يموت في الشبك مابيع
كنت امر السوق واخذ (القطيع) اللي تجلس اسبوع واكثر وسط الشبك مابيعت بسعر رمزي مايقارب 5 او 7 ريال شلت اللي اقدر عليه وهذا هو سبب الموضوع ياليت نتعاون جميع وجميعنا يعرف محلات محد يجيها من صغار العقول يطلقها فيه من اجر من الله سبحانه وغيره تشقر عليها الموسم الجاي وتخاذ حاجتك منها وهي طيبه وسمينه وتترك الباقي يتكاثر

نجي للسؤال انا ناوي مع نهاية الموسم امر السوق وبشيل عدد كبير مايقارب 100 او اكثر على حسب الميزانيه فحبيت استفسر للمهم كيف افرق بين الانث الذكر لاني اتوقع اغلب اللي شلت العام ذكور

هذا اللي عندي وياليت ياشباب الصيد بالعقل وعدم الاسراف والله محد يدري وش الدنيا مقبله عليه بكره تدورها وماتقها الله لايقوله

ولكم جزيل الشكر واعتذر عن الاطاله بس والله انه شي تدمع له العين

حسبي الله ونعم الوكيل

عينه من صغار العقول واناقصين المرجله اللي يحاولون اضهارها بالاسراف

__DEFINE_LIKE_SHARE__