هايلوكس جي ال غمارة 2009 المستخدم الاول

[محروم.كوم]

السلام عليكم ورحمة الله وبركاته
للبيع هايلوكس غمارة GL
موديل 2009
طلعناه وكاله باسم اخوي 2009 وحولتها باسمي 2012
الطاره هوا
الكفرات نظيفة
الداخلي نظيف
المسجل شاشة وجي بي اس اخذته قبل سنه ب1350
وقبل اسبوع فجاه طفت الشاشة واللمبات حقاته شغاله الله اعلم وش به
ومسجل الوكالة مموجو
المقاعد وكالة نظييفه
الصطبات الخلفية شرايح

الخارجي جيده
البودي
السمكرة جت الكبوت بحجم كف اليد
والباب الايمن جته دقه خفيفه ورشيته
والحوض الجهه ع اليسار جتها طعجه وسوت لها تعديل بدون سمكره او معجون

المكينة والقير وكالة
لكن قبل ثلاث اشهر به احد اعمدة التوازن طلعت صوت مدري شلون على كلام المهندس
وقال لازم تفك المكينه وفكه وقال تبي تركب اعمدة توازن او تبي تقصهن..
قال اذا منت بايع قصهن قلت ليه وش التاثير ؟
قال التاثير ان السيارة يتغير صوته اذا طولت وهي واقفه بس
قال اما اذا تبي تبيع ركب اعمدة التوازن لان اللي بيسمع الصوت (صوت بسيط) بيعيب السياره ويكسر سعره (هكالوقت ماكنت ناوي ابيع)
وقصهن ومشيت عليه ومابه اي مشكلة وما تشكو من حاجه..

اخر صيانة..
تغيير الزيت والسيفون
تغيير. زيت الدفرنس بترومين

تغيير زيت القير بترومين
تغير الكلتش وصحن الكلتش والفحمات
طرمبت الماء
طرمبة البنزين (ما اخذت وكالة اخذت من شركة مايز)
الزيك الامامي نيكل
ممشى السيارة 288 الف
والسيارة لا تشكو من من شي شغل وتوكل على الله
المستخدم تنفع له والله يطرح اللي فيه الخير والبركة

السوم وصل 30 الف
والحد 35 الف قابل للتفاوض البسييط

سبب البيع شراء سيارة اخرى واقبل البدل باكسبلورر 2008 يكون نظيف ودفع الفرق..
وصلى الله على نبينا محمد






__DEFINE_LIKE_SHARE__