[ طلب برمجه ] : تحذير من التعامل مع شخص يدعى soaq.net

[محروم.كوم]

السلام عليكم ورحمه الله وبركاته

اخواني والله الحذر ثم الحذر من التعامل مع شخص يدعى soaq.net واني احذركم حتى ماتروح فلوسكم

ويسرقكم

انا تعاملت معه على انه يسوي لي تطبيق وقلت له قبل كل شي خذ الورقه واقرا وش المطلوب وسويه وقال ماشي وارسلت له الورقه المطلوب فيها تطبيق بمميزات وخصائص معينه وبعد ماقرأها قال المطلوب 800 ريال

وبعد ذلك كل فتره يرسل لي بروفه وانا اقول ناقص كذا وماسويت كذا يقول انت ماقلت لي ولازم تدفع زياده !!

مع ذلك اقول ماشي وادفع زياده مع ان اتفاقنا كان على 800 ريال


في محصله الموضوع اخذ مني مبلغ 2000 على شغل مايستاهل ولا 200 ريال وشغل سخيف جداً بس انا قلت ماشي وعادي ومشيت الموضوع نظراً لحاجتي له واني بعدل عليه بعدين

وبعد ماجاء موعد التسليم سلم لي الملف apk فقط !!

قلت له ابي السورس كود حق التطبيق ورفض هالشي وقال مستحيل وهذا شغلي وماراح اعطيك اياه

وقلت له احتاجه وقال ادفع زياده واعطيك وقلت ماشي ودفعت زياده 1000 ريال وكان موعدنا الاثنين لتسليم السورس كود ولكن سحب علي واتصل عليه واراسله ولا يرد علي وبعد اربع ايام من التهرب رد علي وقال ان السورس كود اذا تبيه بمبلغ 5000 ريال !!


قلت واتفاقنا على 1000 ريال !! قال لا مايصير يا 5000 ولا مافيه قلت خلاص رجع فلوسي مابي السورس كود بس رجع 1000 ريال مع ان الشغل كله ماراح يفيدني بدون سورس كود وقال طيب راح ارسل لك الفلوس


والكلام هذا له اسبوعين الحين ولا ارسل لي فلوس ولا يرد على اتصالاتي واخرتها دعيت عليه برساله ان يجعل الله هذا الفلوس سماً في بطنه ويرد علي بكل برود انت كذاب وتافه !! وانا ماسرقت منك شي !!

كل شي موجود بالصور والمحادثات يعني عشان ماينكر ولا اظلمه بس ماعرف انزل الصور هنا .

زياده على ذلك


كان يطلب مني في كل مبلغ احوله مبلغ 75 ريال زياده عشان رسوم التحويل من بنك الراجحي لمصر وكنت اقول ماشي

واكتشفت في الاخير ان رسوم التحويل 4% من المبلغ يعني 40 ريال من 1000 !! وهو ياخذ علي 75 ريال على مبلغ مثل 500 ريال .

عموماً زياده على الصور عندي شاهد في الموضوع وهو الوسيط المالي اللي يحول له الفلوس مع اني ماتعاملت معه لجهلي بالموضوع

لكن اكتشفت انه يتعامل مع وسيط مالي وتواصل مع الوسيط المالي وماقصر وقف معي وعطاني معلوماته وعطاني كل بياناته !

ارجو اخواني الحذر ثم الحذر من هذه الاشكال اللي تستغل الناس وتاكل المال الحرام.


ارجو من اداره المنتدى عدم حذف الموضوع ليتنبه الناس من هذه الاشكال

واذا اداره المنتدى او احد يبي يتأكد ممكن يتواصل معي ع الايميل وارسل له جميع الصور والاثباتات والمحادثات

[email protected]

وشكراً __DEFINE_LIKE_SHARE__