لأصحاب الفتك, هل نيسان غيرت اماكن معايرة زيت القير في الموديلات الجديده؟

[محروم.كوم]

السلام عليكم و رحمة الله و بركاته

اليوم رحت مركز الصيانة التابع للحمراني عشان اشيك على مستوى زيت القير لسيارتي (شاص نيسان2013) لأن مثل ما انتوا عارفين الفتك ما يجي معه عيار لزيت القير.

المهم, قابلت الفني و شاف السياره و فتح الكبوت و ناظر يمين المكينه و ناظر يسار المكينه و تحت المكينه و فوق المكينه, قلت له عسا ماشر وشفيك؟ قال: غريبه الفتحه حقت عيار الزيت مو موجوده!! (طبعاً الفتحه للي ما يعرفها, تجي مخصصه لعيار زيت القير لكن شركة نيسان ما توفر المعيار لسيارات الفتك بس تكتفي بسدها بطبه معدنيه عشان العميل يروح للوكاله و هم اللي يفتحونها و يعايرونها).

المهم راح ينادي الفني الثاني و رفعوا السياره عالرافعه عشان يشيكون من تحت السياره.

راح لين عند الكرتير حق زيت القير و اشر عليه و قالي تعال شوف, فيه برغي في طرف الكرتير, سألته وش ذا قالي هذا شركة نيسان سكرت الفتحه اللي من فوق و فتحت فتحه من تحت للتشييك و التعبئة!! راح فتح البرغي شوي و نزل شوي زيت بعدين شد عالبرغي و قال كل شي تمام و مستوى الزيت و لونه اوكي!! سألته طيب كيف تتم التعبئه؟ قال عند طريق مضخه يدويه صغيره نشبكها و نعبي!!

انا صراحة ما اقنعني كلام الفني لعدة اسباب:
- هل صحيح ان نيسان غيرت طريقة التعبئة و معايرة الزيت بدل استخدام عصا المعايره؟
- هل الفتكات موديل 2005 الى 2009 او 2010 نفس الشي؟ حسب ما قرأت في المنتدى ان لها طبه يتم المعايره منها!!
- اذا ثبت ان نيسان غيرت طريقة العيار كيف يتم التأكد من مستوى الزيت؟ فتح البرغي و نزول الزيت مقياس غير دقيق لمستوى الزيت!!

اتمنى من اصحاب الفتك افادتي اذا عندهم البرغي اللي اتكلم عنه في سياراتهم او لا
و وين محل الفتحه اللي يتم فيها ادخال العيار بالضبط (و اذا فيه صوره توضيحيه يكون افضل)

__DEFINE_LIKE_SHARE__