ان كان يا صاحب عزمت انك تسير 0000000 عليك بالسوده قليلة حراره

[محروم.كوم]

ان كان يا صاحب عزمت انك تسير=عليك بالسوده قليلة حراره
شده على ابها وخل عنك الخماكير=الطاش صيفن كتمتن من نهاره
جلسة خلا من بين ذيك المشاجير=احلا من بحورن عليها سماره
وش بالبحر غير الزخم والعثامير=ومصانعن يشعل به الغاز ناره
شوفة ضباب الجو في حزة عصير=اخير من قفرن تعلا غباره
القيظ في صحصاح نجدن عسى خير=برج الاسد فيها عسيرن مداره
اما عريش الخوص مطاره وزير=او طلحتن فيها جحور الخفاره
نغليك يا نجدن غلا مزارع لبير=نجدن سكن بين المحاني وقاره
في بالنا لامن ضربنا المشاوير=وكلن على ما قيل يفخر بداره
نبي النفاهه لاذهبنا مسايير=نشتاق للنزهه بضلع وزباره
خصن عسير اللي تفوق المعايير=لجا نهار الصيف صارت مناره
فيها السحايب مقبلاتن مزابير=والبرق يضرب بالعوالي شراره
ايه ولفح القيض في ساق والنير=اليا قلب حر السموم النظاره
عليك باللي ما يجي فيه تعكير=ذاك الجنوب اللي كثيرن خضاره
ملفا نجاجيع السفر لنزوا الطير=اليا احتمى القرشع سواة الفشاره
تستاجر هناك برخيصن وتوفير=واياك لا تبدي لغيرك عياره
عليك في جيرة زحولن مناعير=كل واحدن منهم تحضن وجاره
مجاورن ضوه وحدبن مباهير=تلاطمت بالبن زاين شقاره
يبي النشاما والسفوح المزاهير=واشجارن اشفا غصنها عن قراره
هذا مسار الوقت سيدا ودواوير=ومن ونس عياله فلا هي خساره
الدعوا سياره وبعض الدنانير=ويصير مجدد رخصته واستماره

( يوسف الخليفة )

__DEFINE_LIKE_SHARE__