شوركم في توضيب ولا تغيير مكينه

[محروم.كوم]

السلام عليكم

كل عام و انتم بخير


لي زميل معه تاهو 2001 على صباحيه العيد الرجال شغل موتره طلع منه اصوات ماتسر الخاطر ..

طبعاً مكينته من زمان كان فيها شنبر و سبايك ماترفع الزيت بشكل طيب و كان جاي قبل هالسالفه بيوم من سفر عليه

يقول ان انبير الزيت على الربع وهو داعس ويمشي حول الـ140 ولا فك رجله عن الدعسه طاح الانبير وولعت لمبه الزيت مع العلم انه مغير طرمبه و جلده الشفاط و حساس الزيت جديد يعني هالامور سليمه 100% البلا داخلي المكينه

المراد ان المكينه طقت هالصباحيه عاد وش تشورون فيه الرجال بين امرين

يا يوضبها بس قطع امريكي من شركه فدرال و على كلام محلات قطع الغيار ان 80% من الناس اللي توضب السيارات الامريكيه تستخدم قطع فدرال دارجه مابينهم و درجه لكن خوينا ما ارتاح لها

و الراي الثاني يبدل المكينه بوحده استخدام امريكي و القيمه اعلى شيء بسيط تقريباً 1000 ريال


لكن التوضيب بتجدد المكينه كامله كل شيء جديد بساتم سبايك ثابت متحرك تكايات جلد بلوف صنفره بلوف شنابر جلب تيمن و طقم وجيه


وش الشور يالربع ياخذ وحده شادها المصنع ولا يوضب قطع درجه اولى

طبعاً المكينه ماتخلط بس الزيت مايرتفع و احتمال ان عمود الكرنك التوى يبي له مخرطه تعدله __DEFINE_LIKE_SHARE__