مهزله // بقلمي (زياد السنباني)

[زياد السنباني]

مدخل // بقلمي زياد السنباني





بالعكس أنا دونك عرفت السعاده
وذقت معنى فرحتي وارتياحي


مادام جرحي صار بيديك عاده
يبقى شراعك ما يناسب رياحي


الغلطه إن القلب حبّــك زياده
واكثر من اللازم تحمل جراحي















((مــــهــــزلـــــــه)) // بقلمي
زياد السنباني








بسم حزني والجروح المهمله
والدموع اللي بعيني كل حين



اعترف إن المحبه (بهذله)
وان ما هي من مقاس الطيبين



علمتني كل ما كنت اجهله
باعت احساس الوفا للخاينين



يكفي اني عشت عمري باكلمه
نظرتي حرمان وانفاسي أنين



كلما قلت انتهى فيني الولــه
وانمحى شوقي وفارقني الحنين



يبتدي فيني الوله من أولـــه
كنّ ما مرت على الفرقا سنين



ما قدرت من الخجل حتى اسأله
ليه عذبني وخلاني حزين



من جماله كنت بس اتأمله
واعجز انطق أو ارتب كلمتين



كامل الاوصاف والوجه اجمله
زانته شامه على الخد اليمين



كن ربي بالليالي كحله
واسبغه بالصبح في وسط الجبين



كلما قمت ارسمه واتخيله
فز قلبي .. كن به للقلب عين !



سيدي .. يا ظلم ليلك مــ اطوله
ما رضى فجره على الدنيا يبين



مسأله فرقاك ما هي مسأله
تستحق ابقى اعانيها سنين



بس جرحي ما قدرت اتحمله
وانت به ادرى وسيد العارفين



وان رضيت الظلم واللي تعمله
فابتعد ... واقطع شكوكي باليقين



دام صار الحب عندك ((مـــهــزلــه ))
فالبقاء لله رب العالمين







مخرج // بقلمي زياد السنباني






صدمه جديده وانتهت فيها الاماني والوعود
صدمه حقيقه حطمت نفسي وزادتني أسى


كن الأمل لامن نسيته .. قام يشتاق ويعود
.. وان قمت انا اشتاق له واتذكر ايامه ... نسى


ضيعت عمري والزمن واحلام قلبي والوجود ....
ما بين (ياليته) و(اظن) و (لو) و (لعل) و (عسى) !!







تحياتي للجميع // زياد السنباني

__DEFINE_LIKE_SHARE__