الله من شي(ن)بالخاطر++مايدري به غير الفاطر

[محروم.كوم]

بسم الله الرحمن الرحيم ، وبه نستعين

الله من شي(ن)بالخاطر

..................ما يدري به غير الفاطر

يقضي وقتك وانت ناطر

.................. عمك ما يسمع طرشان

والدليله سرّج خيله

............... يمكنّه ناس(ن) عميله

عجز(ن) لا يلقى دليله

................ يمرح في وسط الميدان

حشرج صدره من ترتيله

............. اشوفه عض بشليله

قام يتزوّد في الكيله

........... سمعه توذيه الطيران

جلاد (ن) سن السكين

............ يذبح حايل وام اثنين

ما ميّز بين الثنتين

........... غلط بوزنه للنيشان

لكن له عندي مقياس

............ شخص يفرق عن الناس

عذته من حيف الخناس

.............. ما قابلته بس انسان

يطربك بنظمه لا جال

............ في نظم (ن) وزنه مكيال

احترمه في ذا المجال

............ وقدره محشوم (ن) قد بان

حتى القاضي كنه راضي

.......... ليته سوّى مثل عياضي

وابدى عدله في التقاضي

.......... والله ما يصبح ندمان

جينا الديره نبغى الخيره

...... ....والساحه مليانه غيره

لو ما فيها خير الجيره

........... ما صرنا فيها سكان

فيها النادر والميمون

.......... وفيها من يشكي مغبون

وفيها من سطر بلحون

............ وكل(ن) يوصف بالفنان

دار(ن) ماجيته معتاز

........... ولاني طلاب (ن) لانجاز

اهله فازو بامتياز

.......... غير اني ماني شفقان

والثوب الأبيض يثّر به

............ نقطه سوداء وان جت تربه

يمكن ناصفها بالغربه

........... وقت التجافي ما حان

طرقت طروق(ن) مطروقه

........... يمكن من يقرا تشوقه

با دعها قبلي من ذوقه

............ شاعر سمي بحميدان

طرق(ن) معروف(ن) موضوعه

............. ما قصدي به يحدث لوعه

لو رشح لي في موسوعه

................ عفته لو قالو غلطان

آل – بوهلال التميمي(احمد العبد الوهاب ، ابوراكان)

__DEFINE_LIKE_SHARE__