موبره في وسط الرياض .. والتولا الروسيه تطرب

[محروم.كوم]

السلام عليكم ورحمة الله وبركاته


أسعد الله أوقاتكم بكل خير ..

في يوم من الايام كنت رايح لمشوار لشرق الرياض .. الوكاد اني ضيعت الدرب ... وقمت احوس لين حولت على وادي من وديان الرياض ( احتفظ بأسمه ) وانا ابحر يمين ويسار ابي اظهر من هالمتاهه الي انا فيها .. مايميني الا ضلع ويساري ضلع .. المهم وتطيح عيني على شي يطامر فوق الضلع .. واوقف واناظر مكانه الا مابه شي .. قلت يمكن انه قطو هر .. واواصل المسير الاوالله عيني تطيح على الثاني .. لاحول لله وش ذا .. وشدني الفضول واوقف وأنا الي ألبد ورى الموتر واطفيه واقعدلي حوالي ربع ساعه الا والله ذا الوبران الي تطامر يطلع الاول وراه الثاني لين يعسون الوضع .. الوكاد الربع طلعوا حوالي الله العالم يجي لها 17 وبر من الكبار .. والله وادور البندق ماحولي شي .. واثبت الاحداثيه بالقارمن .. والقط البندق واجيها من باتسر .. البندق كانت تولا روسيه البرنو مدري وين غدت وكنت متخوف من هالروسيه تخطي .. الوكاد وصلت محلي .. وجيبلي مركاز كميره واركز البندق عليها .. وأخالف الهواء وألبد .. ليما طلع الاول .. وقلبي قام يدق خوفي هالبندق تخطيه واسمي وارميه .. وتطرحه المبروكه وترتفع المعنويه .. واخليه ماخذته ليما طلع الثاني واسمي وارميه الاها بين عيونه .. عيونه من قوة رمية البندق تناتقت وحده يمين ووحده يسار .. طبعا حاجتي وبرين تكفيني .. على قدر الحاجه .. حمدت الله على هالرزق الي ماهقيته وتغديت عليهن .. وطعم ولا احلى ..


لاكن يالربع انا اشيد ببندق التولا الروسيه فيها دقه وقوه اتوقع انها تتفوق على البرنو الي بيقنيها عز الله بتشبعه من شحمها وبتجمله وبتبيض وجهه

الفشق cci الامريكي
الدربيل ابو سفتي الياباني
مسافة الهدف حوالي 50 متر

طبعا هذي الصوره

[IMG][/IMG] __DEFINE_LIKE_SHARE__