يوم ابو الجمايل تورط !!!

[محروم.كوم]

السلام عليكم ورحمة الله وبركاته

كيف حالكم
عساكم طيبين

اليوم أعود إليكم وفي مخباتي قصة طريفة حصلت لي من سنين مضت

الله ياذيك الأيام ليتها تعود

ندخل في القصة

كنت بالمرحلة الثانوية

وهذاك اليوم يوم الربوع حزة العودة إلى الأهل الله الوالد والوالدة الله يرحمهم جميع


تصدقون

إني بكيت يوم تذكرتهم

الأن تفيض الدموع من عيني الله يرحمهم وجميع أموات المسلمين

المهم

أنا أسكن خليص وأدرس بجدة
وفي ذاك اليوم يوخ كنت عائد يوم الاربعاء بعد العصرتقريبا

وأنا عند كبري القاعدة الجوية في طريق الحرمين

إلا وأشاهد رجال يأشر للسيارات وأقف بجواره وأقله وين قال قدام قلت

اركب

طلع الرجال

ومشينا توكلنا على الله

وبعد مسافة

وانتم تعرفون بين جدة ومكة ذاك الوقت يعني قبل ثلاثين سنه وتزيد خلا وجبال

قلت وين يالاخو

قال قدام

قلت طيب

وقدام

وشوي نقطع مسافة

هاأ يالأخو وين مكانك قال قدام

قلت في نفسي ايوة هذي الجمايل يا ابو الجمايل

يلا قدام

نوصل محطة في منتصف الطريق

اللي يعرف المنطقة محطة الخميسي

ما نشدته

قلت أكيد يبي ينزل في المحطة

ويوم وصلنا المحطة قال لف يمين

لفيت يمين
إلا وقدامي طريق جلد

قال خذ هذا الطريق

خلاص تورطنا

أخذت الطريق وانا اكابر ابي اكمل جميلي


وحالتي حالة لكني صابر مستحي أقله لا ما أوديك وأنا ما اعرفه

المهم توكلت على الله وواصلت ويمكن مسافة عشرين كيلو داخل الخبت وقدامي سلسلة جبلية. اللي غرب عسفان
ويوم طلعنا داخلين على منطقة جبلية

والشمس حية قبيل الغروب

قال وقف

وقفت

وأنا متحفز لكل الاحتملات

قال مشكور أخوي

انت ما تقدر تدخل

الظاهر كانت منطقة عسكرية

خلاص أنا انزل هنا وامت روح مع السلامة

والف وارجع مع دربي وانا لو تشرطني بمشرط ما ينزل لي دم

صعبةحالتي صعبة

طبعا الموقف عادي وبسيط لكن في هذاك الوقت مدري ليه تكهربت

عموما كان موقف طريف وما انساه طول عمري

وهذا العلم وسلامتكم __DEFINE_LIKE_SHARE__