سنــــــــــــا خــــــــــدك

[الـروح دايـم]

~*¤ô§ô¤*~السلام عليكم ورحمة الله وبركاته~*¤ô§ô¤*~


أكشف سنا خدك ونور به الليل ... غط بظلام الليل خصرن معزل

وابسم بثغرن نسمته نفحة الهيل ... فيه البرد من ردوم سحبه منزل


لون اللهب في وجنتك ويل والويل ... لامن حرقني قمت فيك أتغزل

نعس العيون اللي هدبها مظاليل ... أموت فيها وارتعد واتزلزل

دايم من رهاف الشفايف مباليل ... ترياق سم الشوق منها تبزل

وجسم حرير بنفحة الناسم يميل ... تجاوبه الاطراف لامن تخزل

ماخذ من الاعجاب جمله ةتفصيل ... واحلف بربي والكتاب المنزل

ياغايتي ومناي وكل المحاصيل ...قلبي علي شأنك عن الغيد عزل

جيتك علي غفله ووقعت فـمحابيل ... ورميتني يوم أكثر الناس عزل

والوصل منك نبت زهر الاكاليل ... من يدك مفروش وتناثر على الزل

أهواك وامشي لك بعطف وتبجيل... ولالغيرك ** لاحشا ما ااتنزل

مادام خدك صبح شارق بعد ليل ... طالبك تحرق لاجل فيك أتغزل


~*¤ô§ô¤*~السمــــوحــــــه~*¤ô§ô¤*~

__DEFINE_LIKE_SHARE__