خوييَ وطرديه مع البنت المبرقعه المزيونه ؟؟؟

[محروم.كوم]

بسم الله الرحمن الرحيم

السلام عليكم ورحمة الله وبركـآته
حيّ الله أخواننا " المكآشيت من مشرفين . واعضاء . وزوّآر

بأذكر لكم سالفه خوي لي مستأذي منها .. وكل ماذكرها قام يونّ

نبدأ القصّه ,,

خوينا اللي ذكرناه كان نازل في ديرة بجنبنا ,يسيّر علي وأسير عليه واتبايع واتشارى انا ويـآه, وله مزرعه تبعد 12 كيلو عن ديرته , ويسولف علي ويقول : أروح للمزرعه في اوقات مختلفة .. واغلب الأحيان اطلع منها مع المغرب " مع غياب الشمس "
, , بعد المزرعه وانت طالع منها متجه للديره بحوالي 4 كيلو يجيني ملف حوالي نص كيلو كله رمل (تغاريز) ,المهم .. كل مـآجيت طالع من المزرعه ومتجه للديره اجي بوسط هالملف الآقي هالبنت المزيونه , اللي ماعليها الا برقع ودرّآعه حمراء بليّـآ بشت !!!!

وتاخذ القلب من زينها وتسرق العقل بمشيتها , وكل ماشفتها غصب عني وودي أميّل يمها من باب اللقافه, يـآربي ماقدر كلها تغاريز !! وموتري مهوب دبل .. وبهالطريقه طلعت لي ولا 100 مره : )

وجا يوم من الأيـآم , واعقد العزم , أني ان شاء الله ان شفتها أن اتحقق منها !! واشوف وش تصير ؟

وجا اليوم الموعود , وأشوفها بلباسها العادي ,, وأدعس الهايلكس 78 , وانا الي ادعس واخلي مكينته حول ما تنشلخ نصّين تسمع ونينه !! تسنه شايب بيتسوونه , وطردي ووراها ووراها !!!!

يوم والله السياره تعلّقت في ذاك الطعس اللي والله مايطلعها ولا الشاص ! ولعد شفت لها زول ؟؟ ويوم معد شفتها تأكدت وايقنت انها من أهل الارض ,,
وعقبها حلفت بالله اني معد اطارد أي زول وأي كائن كان !! وانا متأكد انها من اهل الارض بس ابقنع نفسي

وشفتها عقب أيـآم في نفس الموقع / وقلت : هه احلقي لحيتي مع شنبي"اصير لبناني على غفله" ان كان لفيت يمّتس !!:d

وسلامتكم يـآجماعة الربع , نلقـآكم في سالفة ثـآنيه وانتو في أطيب حال ..
أخوكم / خوي مخبـآته 0 0

__DEFINE_LIKE_SHARE__