بالذاكره،،

[محروم.كوم]

السلام عليكم ورحمة الله وبركاته

مساكم الله بالخير جميعا.

طرا علي موقف فالمقناص لاينسى قبل سنتين وكانا موفقين بالصيد الحمدالله صيدنا 12 حبارى .
وفي يوم من الايام اصبحنا وصلينا وتقهوينا وتوكلنا على الله طالبين رزقه وابعدنا عن مكان معشانا يمكن كيلو المهم واراسل خويي بالجهاز قلت وقف عطني بطاريه للريشه حنا سيارتين طبعا المهم ووقف الرجال واخذت البطاريه والد عيني قدام الموتر الا الحبارى درج اصدق اكذب قلت يافلان ابشر بالحبارى شفها قدام موترك وهي تبعد يمكن 150 متر تقرريبا قال ماشفت شي قلت فرع بطيرك وتقدم وانا للحين اشوفها تدرج قال طيب واتقدم انا قال للحين تشوفها قلت ايه تدرج على يمين الحزم اللي قدامنا قال الحبارى ذي ماشفتها لا انا ولاطيري !!
تدري طيرها طيرها قلت طيب وللحين اشوفها انا المهم سقت ابي اطيرها ويجي الحزم بيني وبينها وتتقي واشرف على الحزم وجنبي خويي قال وين الحبارى المهم ونحووس ساعه نبي جره للحبارى مالقينا على قولت خوينا قال هذي ياطويل العمر جايه من باكستان مركبه نسافه تمسح جرتها هههههه المهم قلت انا ماني برايح لين القالها جره قال الوعد ع الجهاز وجلست يمكن ساعتين ولا لقيت لها اي اثر فص ملح وذاب وتعوذت من ابليس ومشيت وانا اسرد الموضوع كني اطالع فيها الحين

هههههه في خاطري . وسلامتكم __DEFINE_LIKE_SHARE__