سالفت : الموقف المحرج ..

[محروم.كوم]

السلام عليكم

والله محد يقوم من مكانه

انا من زمان من متابعين ها الخيمة المباركه وما كان في تصوري اني بشارك

وبعد أخذ ورد بيني وبين نفسي قلت خلني ننشر الغسيل دام الدعوى اسم مستعار

_________

بدايت السالفه قديمه جدا تقريبا كان عمري 12 - 13 سنه وكنت طالع مع الوالد للصيد وفيه اخوياه بيلحقوننا بعد ما تخلص دواماتهم مالكم بالطويله بعد يوم شاق وبعد صيد دسم قررت انام لاني من فرحتي ببداية الموسم ما قدرت انام بالليل نمت قبل الظهر وما صحيت إلا الساعه 5 تقريبا نزلت من السياره ولا هذا الوالد عند الشاهي واخوياه كل واحد بجهه قالي الوالد رح لصندوق الهايلكس بتحصل قدر صغير حاط لك غذاك فيه وانا الي اروح مدرعم مصفي الطبلون واطمر بالصندوق ( كان مغطى بشراع مدري وش يسمونه ) المهم بديت آكل ولا راعي السياره سمع حس خرفشه وجا يشوف وش فيه طبعا بعطيكم نبذه عن خشتي شوي الشعر واقف واشهب والشمس لاعبه لعب فيني وش تتوقعون يعني توم كروز لما جا وطل بالصندوق تخوبص الرجال وطمر على ورى ويطيح طيحه قشرى ^_^ طبعا انا فقعت ضحك عليه بصراحه والي زاد الطين بله اول مره اشوفه واو مره يشوفني .. بعد ما قال بسم الله عشر مرات يمكن وحالته حاله وجاس يمطمط عيونه شويتين قالي من انت .. قلت وانا ميت ضحك انا محمد قال من محمده وش جابك هنا قلت ابوي قالي غداي هنا قال اييييييه طيب قلي علشان اسخن لك الغدى ( ما يمديني على التصريفه يا شيخ ) وما قصر بيض الله وجهه جابلي ببسي وسخن الغدا لي بس كل ما طاحت عيوني بعيونه اموت ضحك مع ان السالفه لها فوق17 سنه بس بجد انحرجت منه كيف كنت بجيح لها الدرجه


هذا ما عندي : سبحانك اللهم وبحمدك أشهد أن لا إله إلا أنت أستغفرك وأتوب إليك

__DEFINE_LIKE_SHARE__