أجزاء وقطع المكيف للفورد ( كراون فكتوريا- ماركيز- تاون كار) 98حتى 2002 بالصور

[محروم.كوم]

بسم الله الرحمن الرحيم



بداية أحب أن أشكر المشرفين ( أصيل حجازي - بدوي جنوبي ) على مواضيعهم المفيدة والتي استفدنا منها كثيرا وخاصة أن المواضيع التي يطرحونها تكون بشكل عام لجميع السيارات والشكر قليل بحقهم

الله يعطيهم ألف عافية ويجزاهم خير


ولا أنسى الأعضاء الخبرة وكل شخص نورنا وعلمنا شئ نجهله وكانت المواضيع والردود في مصلحتنا ضد العمالة التي تمتهن السرقة للأسف


وأكثر ما يثير غضبي هي كلمة اترك السيارة ونشوف






الموضوع يتحدث عن أجزاء وقطع المكيف لسيارات فورد ( كراون فكتوريا - جراند ماركيز - تاون كار )



وكما تعلمون أن الصيف قادم ولهيب الجو يجعلك تدفع ولن تسلم من لهيب الأسعار وكذلك النصب والله يعين كل شخص بيصير مع هالورش بالصيف بسبب مشاكل المكيف





والموضوع سيتحدث عن ( أسماء القطع - أماكنها - وظايفها - أسعارها تقريبا ) للموديلات بين 1998 و 2002 والصور من قرمبعي فكتوريا موديل 99

لكن فيه أشياء تختلف مثلا موديل 2006 وطالع ما فيه علبة كتاوت على اليسار مثل القديم ولا علبة فريون عند الثلاجة تلقاها عند الرديتر





وبسم الله نبدأ










1- علبة الفريون
2- ثلاجة المكيف
3- المروحة
4- لي تبريد المروحة
5- حساس الفريون
6- حساس دفع الهواء





1- علبة الفريون









وهو مكان التعبئة ومرتبط بحساس ومواصير مرتبط بالثلاجة والرديتر والكمبرسر

وهو عدة بمحلات قطع الغيار


الأصلي سعره 240 ريال
فالكون سعره 120 ريال
أطلس وسعره 100 ريال
تجاري 80 ريال

وبالنسبة لي أشتري نوع أطلس




_________________________________

ثلاجة المكيف







الثلاجة ووظيفتها ايصال الهواء البارد للغماره وهي سبب في ضعف دفع الهواء عند اتساخها

وسعرها تقريبا 900 ريال




______________________________________




المروحة





وهي مسؤولة عن دفع الهواء للغمارة وخرابها يكون بسبب عدم تبريدها وضعف في دفع الهواء

وسعرها تقريبا 150 ريال




________________________________________



لي تبريد المروحة






وهو مهم لعمل المروحة بشكل ممتاز وهو يوصل الهواء البارد من الثلاجة لدينمو المروحة


بعد الحادث الذي حصل لي تم فقدانه وبسببه كان دفع الهواء يضعف لدرجة انك تحط يدك على فتحات المكيف يالله تحصل هواء بارد

وعلامة خرابه عند تشغيل المكيف يكون دفع الهواء موجود وشوي شوي تفقد دفع الهواء لان دينمو المروحة يفصل بسبب الحرارة


وهو لا يتواجد بمحلات قطع الغيار وسعره بالتشليح 20 ريال

رحت من شرق الرياض للحاير ودفع الهواء معدوم ويوم ركبته فرق الدفع وصار قوي وبارد








صورة له بعد الفك وتقدر بنفسك تفكه وتركبه





___________________________________________




حساس الفريون








ووظيفته قياس البرودة وفصل الكمبرسر وشبكه حتى لا يثلج واذا كان المكيف يثلج فالغالب منه وسعره لا يتجاوز 25 ريال وكالة




______________________________________________





حساس دفع الهواء أو ثرومستات المكيف







وهو مسؤول عن طقات المكيف بالغماره وعند خرابه لا يحدث خروج للهواء إلا بالدرجة القوية فقط


ويختلف للمكيف العادي نوع والالكتورني نوع وسعره تقريبا للنوع العادي 180 ريال





__________________________________





حساس المروحة للمكيف الحار









وهي ماصورة للمكيف الحار وبه حساس متصل بالمروحة ولا أعرف سعره للأسف





___________________________________________




الكتاوت وخزان المكيف









1- الخزان
2- علبة الكتاوت

ويتواجدان على الرفرف الأيسر




الخزان






ما أدري عن اسمه الحقيقي وسميته من راسي الخزان :good2:



وظيفته يمسك الهواء بحيث ما يضيع


وخرابه فقدان الهواء بعد 120 كلم أو في أي سرعه وعودة الهواء عند ضرب الفرامل

وسبب فقدانه هو أني أكلت مطب من نوع فاخر في أحد شوارعنا كسر قاعدة المساعد الأيمن وسقوط لهذا الجندي المجهول بسبب عدم تثبيته


وهو لا يوجد في المحلات ورحت قرب العشاء للتشليح وبالوقت بدل الضايع حصلت محل فاتح شيبان سعوديين متجمعين وأخذته بـ80 ريال ولو تجي بالعصر او الصبح يمكن تشيله بـ 20 ريال ولا أحد منهم يعرف وش وظيفته

وهو متصل بلي يجي من وراء المكينه ولا أدري وين يروح







اللي وهو راكب فيه











اللي بعد ما فكيناه من العلبة







صورة اللي وهو جاي من وراء المكينه أسفل دينمو المساحات






الكتاوت







صورة لعلبة الكتاوت ومن اليمين لليسار

كتاوت المكيف - كتاوت طرمبة البنزين - كتاوت التشغيل


وهو اذا خرب تشغل المكيف وما يشتغل الكمبرسر إلا بعد 10 دقائق


وسعره وكالة 70 ريال





________________________________________





القسام








مكانه اسفل الطبلون وهو اللي يوزع الهواء عن طريق لوحة المكيف بالغمارة تبيه بالوجه عند الارجل وانتوا بكرامه فوق الطبلون


واذا خرب يصير الهواء مره فوق عند القزاز ومره تحت


وتصليحه تخلي الدفع من الامام بس للعادي

أما اللمس تقدر تصلحه مثل العادي او تغير جلد بنفس لوحة المكيف









وأخيرا وليس آخرا إذا كان فيه خطأ أو توضيح من أحد لا يخلينا ابن آدم دايم يخطئ





أخوكم ملك الفكتوريا

__DEFINE_LIKE_SHARE__