سؤال..!!

[انسان محروم]

//
\\
//

شالفرق بين اللي يحبك ويغليك؟
وبين الذي لا غبت عنه يخونك؟

الفرق واضح لولي شخص يفديك
صار اختلاف وراح دربه بدونك

واجه قراره ما حسب للتهاليك
طبعاً / لانه كان يرفض ظنونك

رغم الفراق المر متمسكٍ فيك
ما يسمع الواشين لي يكرهونك

بالخير والمعروف والطيب يطريك
ويصد كل من هم يبوه ويبونك

باع السعاده والهنا لجل يشريك
واضح / ولا خانك ومثل يصونك

تاجٍ على راسه وقلبه مخليك
ولا يمكن يخليك تتبع جنونك

ينصحك لا منها تمادت لياليك
ولا من غدى وقتك سبب في طعونك

تصور انه ما يفكر يجافيك
كم بث لحظات الفرح في شجونك

وايتم قلبه طول عمره يحاتيك
وان ييت له في حاجةٍ قال عونك

منك تسده كلمة الله يخليك
تسد والمفروض ياخذ عيونك

يهواك ويعزك وهمه يهنيك

عايش فكونه بس عايش لكونك

هذا حبيبك بالفعل دون تشكيك
يشبهك في شكلك وذوقك ولونك

لا تحسبه خاتم يزين اياديك
في هالزمن ياكثر من يجرحونك

تزعل وتتغلى ولا احدٍ يراضيك
واقرب قريبٍ لك توقع يخونك

ما هو مثل باقي المحبين يشنيك
يمثلون الحب لك يخدعونك

لا غبت عنهم عددوا في مساويك
هذا اذا هم فكروا يذكرونك

\\
//
\\

__DEFINE_LIKE_SHARE__