نــصــيــحــة

[محروم.كوم]

بسم الله الرحمن الرحيم

يوم الاحد وقفت عند احد محلات البنشر قاعد انقص في هواء الكفرات

المهم إلا راعي هوندا كورد وقف وطفا السيارة وقال لليماني شوف لي زيت المكينة ناقص ولا ماهو ناقص . . اليماني على طول سحب العيار من المكينة وقاله سيارتك ناقصة علبتين


طبعاً : : انا استغربت السيارة ما كملت حتى دقيقة وهي طافية اكييد ان الزيت مانزل تحت المكينة كيف يجي ويقول ناقصة علبتين . . جيت ابي اقول لراعي السيارة خلها طافية اقل شيء ربع ساعة بس قلت انا وش لي ودقيت سلف للسيارة ومشيت



النصيحة اللي ودي اقولها لمن يريد ان يعاير زيت سيارته عليك بالاتي

1- اوقف السيارة على ارض مستوية بحيث لا تكون على ارتفاع ولا تكون على انخفاظ

2- خلي السيارة واقفة اقل شيء نصف ساعة او ثلث ساعة حتى ينزل كامل الزيت لان الزيت يكون في اعلى المكينة ويحتاج وقت حتى ينزل إلى اسفل المكينة

ولكم جزيل الشكر والتقدير


اذا كانت هناك اي اضافات من الاخوان لا بأس بها __DEFINE_LIKE_SHARE__