اول مره اسوق في الطعوس !!

[محروم.كوم]

السلام عليكم ورحمة الله وبركاته اعضاء المنتدى



اول ما وفقني الله بشراء سيارة دفع رباعي كانت من نوع تويوتا 4runner قبل 6سنوات تقريبا .. قمت بتعديل بسيط جدا وهو تغيير جنوط وكفرات من 16 حديد إلى 15 كروم مثل حق اللاند 92

وسبحان الله الواحد لما يشوف الناس تمشي بسياراتهم في هالرمال يحس ان السواقه سهلة مررره ... المهم طلعت بالسيارة لمنطقة الزويليات وهي مليانة طعوووس وبعد ما تغدينا مع الشباب قلت خلينا نجرب " وهي اول قيادة فعلية لي في الرمال " شغلت الموتر ولقيت لي كومة صغيرة "طعس صغير " وبديت منها واول ما رقيت غرزت .. وقعد احاول يمين .. يسار .. ويا فيه راعي هايلكس غمارتين مدبل يتمشى حولنا وحوالينا ويتفرج من بعيد وحنا ماغير نحاول في هالموتر والشباب يضحكون علي يقولون موترك مهو موتر بر ... إلى ما جاء راعي الهايلكس .. وقال افا والله هذي السيارة ما تصلح لك ... قلت ليه .. قال احد يغرز بها لا وفي كومة تراب بعد مهو طعس يستاهل .. قلت والله مدري اول مره .. عليمي ... قال نسمت الكفرات .. قلت له لا ليه .....قال نسم على خمسطعش .. وراح خلاني .. نسمت الكفرات وطلعت منه التغريزة .. تحمسوا الشباب وقالو يله قلت لهم .. لا خلاص مره جاية .. الا وراعي الهايلكس يمر مره ثانيه يقول وراك واقف قم تمش .. بلاكم ما انتو حق بر ... يوم اقوم وادق سلف وبدأت الابداعات في هالطعوس

من زاوية اخرى

هذا وقد تم بيع السيارة قبل شهرين تقريبا ولله الحمد ماقصرت معي

اشكر لكم

الآسيف

__DEFINE_LIKE_SHARE__