هجائية مدح

[محروم.كوم]

أخر ماكتبت اعرضه على ذائقتكم ..

#poem_514230bb53f2d td {font-family: Arial, Helvetica, sans-serif;font-size: x-large;font-weight: bold;} البارحه والقاف سيّر على الراس دايم يجيني وان تأخر اجي له صبيت له فنجال يذهب به اعماس فنجال فاحت ريح بنه وهيله قلت اطلبك بعد التقهوي بمجلاس قال اطلب(ن) والنفس ماهي بخيله ياما عطيتك وانت ماتشكي افلاس مبطي وانا اشيل الحمول الثقيله ورحنا تمشينا بعيد(ن) عن الناس شاعر زميل وقاف شعره زميله وساعة سألته طاح ثم قال لا باس وسنّد على كتفي وكتفي يشيله قال الهجاء صابه مع المدح وسواس وشلون نجمعه(ن) ؟ ترى مستحيله وصديت يمه قلت له اترك الياس وحاول يلهيني بقصه بديله ويقول شفت كليب او قال جساس والظاهر انه جاب ذكر الجليله ودفيت كتفه ضايق وحيل محتاس قال البلا والله مافيك حيله والدمع مثل الماء وعينه كما الكاس ينثر دموعه لين بلّلْ شليله ثم صاح صيحة اطرم بليل الاغلاس شاف الغزو جاهم وينخا القبيله يقول يابرزان يامعّرب الساس ابوك ابن عباس وامك اصيله انت الذهب وانت المعادن و الالماس وابيات شعرك كل ابوها جزيله تاقف لك الاقلام في كل كراس في كل يوم بكل صبح(ن) وليله سراج شعرك لو طفى يابن عباس عبيت قازه وانت تقْبس فتيله بعطيك بيت(ن) بالهجاء يرفع الراس بيت(ن) يتيم ولا تدور مثيله للقاع قاع وللسماء فوق قرناس وللضلع ذيب وللجراذي نثيله

__DEFINE_LIKE_SHARE__