قصه من المؤروث الشعبيه عن الكرم **مـــــحمــــد الـــــظاهري

[محروم.كوم]

بسم الله الرحمن الرحيم
اخواني ....
اعضاء وزوار ومشرفين منتديات مكشات
السلام عليكم ورحمة الله وبركاته
اهلا ومرحبا بكم
في سالفه جديده بعد طول غياب لسباب لملفي الشخصي
والحمد لله تم تعديل المشكله
والشكر موصول الى الاخ مسافر
,,,,,,,,,,,,,,,,,,,,,

لا اطيل عليكم واترككم مع السالفه
يقولون والعهد على الروات
كان فيه شخص تااجر وصاحب كرم
وقال يضرب به المثل بالكرم
مثل ما يضرب في حاتم الطائي وابن دعيجاء وابن عوف
وكان كرمه كرم عسر على ما يقلون
وكان معروف الشخص هاذا واشتهر بين الشعار واعرفوه الناس واهل نجد وغيرهم
المهم
دارت السنين ومرت الايام والرجال على كرمه بس تجارته كلها راحت على الكرم
وبعد حول راحت حلاله وراحة تجارته وهو متمسك في عادته وفي كرمه
وقال عنه كان يرهن نخله لجماعته
اعرفوه الناس واذا جاه ضيف وهو ما عنده شي يتسلف من حلال اهل الديره
لكن يرهن النخل لين الله يرزقه ويسدد الدين الي عليه
وزوجته كل فتره تتشكى منه الرجال ما عنده شي وكرمه زود على زود
فيه سنه من السنين كان طالع من البيت
ولفوه ضيوف من بعيد والرجال ما عنده شي واستحى انه يدخل على البيت وعلى ضيوفه
راح الرجال لزوجته وقالها روحي لخوانك وجيبي منهم الي يعشي الرياجيل
قالت زوجته اخواني كل ما لفاك احد اروح لهم واخذ منهم
بس هالمره والله ما روح
كلمها منا ومنا وعيت وارجال عصب وضرب زوجته وطلع من البيت وماراح للضيوف
وهو يبعد على البيت ويجي على طرف هاك الجال وضاقت عليه دنياه
ونسيبه شاف الضيوف عند بيت نسيبه وراح جاب له الي قسم لهم الله و
يدخل على البيت على انه هو فلان صاحب البيت
ويرحب ويهلي
وراعي البيت ضاقت عليه الوسيع على ما يقلون
والرجال يسرح والا هاك القافه الي مرت من عنده وهو ينطح القافه ويسلم عليهم
وقالو له وين ديرتك قال ديرتي يقالها الفلانيه
قالو انت من ربع فلان راعي الكرم قال ايه انا من ربعه وهو الرجال المعروف
قال وين وجهتكم يا الربع قالو حنا رايحين للعرق قال ما تبون لكم خوي
يخدمكم يحطب لكم ولا يحش ولا يقهوي
قالو انت من ربع فلان وش لون تخدمنا حنا الي نخدمك
راح معهم الرجال ومحد يدري عنه
وبعد فتره وصل للعراق وما علم اهل القافه انه هو راعي الكرم
ويوم انه وصل للعراق ودع اهل القافله وعاش بالعراق واشتغل وصار تاجر
وبعد ثلاثين سنه قام يتذكر اهله وديرته وربعه وكرمه وعياله وحرمته
وبعد فتره كانة فيه قافله كانة راجعه للسعوديه وقرر انه يروح معها
ورجع الرجال مع القالفه ومشى معهم لين وصل حول دياره وقال ياجماعه انا ابي اروح شمال وودعهم
وقبل لا يدخل الديره قال في بالله اكيد الحين بيتي رايح وحرمتى مدري عنها هي ميته ولا متزوجه ومدري عن شيبان الديره حيين ولا ميتين
دخل للديره والا بيته على ماهو عليه ونخله هو نخله
ويجي على البيت ولا هاك الولد
السلام يا ولد وين راعي البيت
قال والولد انا ولد راعي البيت وابوي مدري وينه غاب له سنين
وياليتك تدري عنه هو حي ولا ميت ونبي منه اخبار ان كانك تعرفه
قال الرجال الله الله يالدينا انا ابوك انا فلان
وعرفوه اهل الديره وقالو بيتك هو بيتك الى يومك هاذا الناس تعرف عنك الكرم
وحنا نقوم بالواجب
ولكن فيه قصيده تتكلم عن احداث القصه ولكن ما اعرفها
واتمنى من يعرف القصيده انه يفيدنا فيها وحتى نستفيد اكثر واكثر

00000000000000
اخواني
اعذروني على الاطاله
واتمنى ان القصه تحوز لكم
هاذا ما اعرفه عن الاحداث للسالفه
واعذروني اذا وجد اي تقصير في السالفه
وكما بدات باول الكلام بالسلام
انهي سالفتي باسلام عليكم ورحوة الله
وتقبلو تحيات
مــــحــبــكم
مـــــــــحـــــــــــــمـــــد الــــــظـــــاهـــــري

__DEFINE_LIKE_SHARE__