مغامرة العراق 2

[محروم.كوم]

هذا الجزء الثاني للسالفه هذي

http://www.mekshat.com/vb/showthread.php?t=561266

اصبحنا بمركز الحدود .. وحرس الحدود العراقيه

قالوا الحقنا بالموتر لقصر صدام .. وانا اللي الحقهم

ولا نوقف الا ببغداد عند قصر صدام .. وانزل وادخل

على صدام ولا والله الرجل يهلي ويرحب ... ويتشكر ..

قلت ما سوينا الا الواجب يابوعدي .. اخذوا الفشق ..

وارسلوها بونيت للجبهه ... قلت له توصي شي يابوعدي

.. قال والله ما تمشي قبل نغديك ... المهم الرجال لزم ..

ولا بغيت افشله ... قلت تم .. وجلست معه وقعد الرجال

يشكي لي .. من ايران . قلت ما عليك بكلم لك الخميني ..

... المهم ابوعدي قال اقلط الغداء .. وادخل المقلط ..

ولا الرجال ذابح لي عنز فوق رز تمن .. ناظرته وقلت افا

انا تقلطني على عنز ... والله يوم الرجال انحرج ..

وبدا يتعذر .. ويقوم يحب راسي وخشمي ..

ويقول الراتب ما بعد نزل .. قلت عذرك مقبول ...

واتغدى عنده .. وقلت يابوعدي بسري الرياض ..

من قلتها والرجال يفرك ايديه .. ويحمر وجهه ..

قلت خير وش جاك .. قال مستحي منك ... مطفر والله

ما عندي حق الفشق احاسبك .. قلت فدا راسك يارجال ..

سددنا اذا طلع الراتب .. قال ما ظنتي علي اقساط متاخره


... لكن عندي لك راي .. قلت وشو .. قال ..

بعطيك 3 صواريخ سكود بدالها ,, قلت له تم ...

المهم تغديت وحملوا الصواريخ بالسياره وطربلناها

... وقبل امشي عطاني علبه مغلفه بقصدير ..

قلت وش ذي .. قال هديه خاصه لك ..

المهم دخلت قطوع للسعوديه بر .. عشان الحدود ..

واقبلت على حفر الباطن وانا اللي افك الهديه واناظر ..

ولا فيها غليون وتتن عراقي .. قلت الله يهديك يابوعدي

تدري منب راعي تتن ... لكن الشيطان نغزني قال جرب .

... قمت حشيت الغليون وولعته ومكيته اقوى ماعندي ..

الا يوم اني شرقت وكحيت وبغيت اموووووت ..

وانا افتح الدريشه واجدع الغليون .. والمشكله انه مولع .

.. ويطيح على فتيلة واحد من صواريخ سكود .. ويشب .

.... وانا كنت رابط الصواريخ مضبوط ...

اكمل لكم الجزء الثالث والنهائي قريبا

اشكر لكم مروركم واعذروني انا اروي لكم السالفه بس

لا تشرهون علي .. __DEFINE_LIKE_SHARE__