تفصيل مخابي ورا مرتبة الهايلكس

[محروم.كوم]

السلام عليكم

حيا الله الشباب

حيا الله كلن بأسمة

بعد ماسويت طريقة أخونا " أبو ضيدان " بيض الله وجههـ

الي هي طريقة فتح مرتبة الظهر للغمارة الثانية للهايلكسات الجديدة

فقلت لازم أستغل المساحة أكثر أستغلال , طبعا يوجد مخابي جاهزة في السنيدي وبرق الحيا ... لكن يعيبها صغر المخابي

الوكاد وبدون ما أطول رحت يم الغرابي اليوم وتحديدا لمحلات الخيآم

لقيت الاغلب يصرفني يقول مافية تفصيل وبالاصح ماودهم الهنود يشغلون مخهم

وبعد دوران دام ساعتين تقريبا , لقيت محل والحمد لله تجاوب معي وشغل مخة أبشركم

طبعا وشرطت علية يكون التفصيل بقماش تنزاني أضافة لسحاب قوي مثل حق الخيام

سؤال جانبي يا أخوان وشلون أفرق بين القماش التنزاني وغيرة ؟ لأنه قالي خذ التنزاني الي يجي لونة أبيض ! أنا خبري أن لونة أشهب ,

عموما هاذا الصور للمخابي أضافة الى طريقة تركيبها ومكان التركيب البيت :good2:

بسم الله نبدأ

هاذي صورت المخابي قبل التركيب

المخابي وهي على المرتبة

ثم جبت معلاق ملابس ( سيم ) وثبت بها المخابي على المرتبة

وعقدت السيم بالزرادية

للأسف طال القماش شوي فأطريت أني أثبته على جنب شوي

بعد التثبيت تبين لي ولله الحمد أن المكان وسيع

حطيت فيه الحين ثلاث عدات مختلفة ( صندوق حبة كبير -صندوق حبة صغير - عدة فيها شاكوش وزرديات وسكروبات وخنبقات أخرى )

ومحول كهرب صغير

وباقي في المخابي مخباتين مخبات أحط فيها اللمبة ومخبات أبحط فيها أسلاك الكهرب أن شاء الله

بعض الصور الاضافية

المشاكل الي سويتها

1- عرضت القماش شوي معن الي مخيطه يقول تراني بطولة وأعرضة وهزيت رأسي قلت الزود ولا النقص

2- قصرت من الدوران

3- جبت معي واحدن قروشة الله يذكرة بالخير , كل ساعة داقن علية يبيه في شغلة فتحسفت أني جبتة

3- أني عجل شوي لأني رايح العصر ومثل ما أنتم عارفين وقت العصر قصير
فمثل هالأمور الركادة زززينة بقوة

4- وهو الأهم التكلفة غويلية شوي وخاصة أنها مجرد مخابي

وفي النهاية أتمنى لكم الفايدة وأن الجميع أستفاد

التكلفة : 100 ريال

موقع الي خايط لي وأنت مخلي محلات الخيام على يسارك فيه شارع يجيك يسار , رح معه ورابع محل تقريبا على اليسار هو وأسمة الظاهر " اليوسف "

__DEFINE_LIKE_SHARE__