شهوه المصخن - وترنجه الجيران

[محروم.كوم]

السلام عليكم ورحمه الله وبركاته



اذكرمن مووووبطي يومني صغيييرالتهبن علي اللوزههههههه الصدقيات يعني اللوز الي في اللحلق وبغيت اموت منهن وذكركانت امي جعلها للفردوس فارشه لي فراش حول الوجار الي نشب فيه الضو وكانت ياملا الجنه تكمدني بالبيز يعني تحط البيز حول الضو ولا احتر تحطه على رقبتي وسبوع كامل ونا على ذا الحال الين جا تالي الاسبوع ويجيني شي بغيت اموت لانهن تظخمن مره ويفرجها الرحمن الرحيم ماله داعي اعلمكم بالباقي مهوب زين المهم يوم فرجها الله على قالت لي امي وش تشتهي تاكل ونا امك ترالك اسبوع ماذقتا شي ونا الي اقول لها مشتهي جحه ههههههههههه وحنا في الشتا مافيه جح وشذا الشهوه قالت امي جعلها للجنه ياوليدي ولا تشتهي شي غير الجح قلت لا ابي جح يعني ابي جح ههههههه الاها بدخله ابوي ياملا الجنه البارده قال منذا الي مشتهي جح قالت امي سحاب يقوله قال والله ونا ابوك تبي تحتري الصيف الين يجي فبشر بالجح والجراوه بعد بس هلحين لا تهوجس فيه ابد ونا ابوك وقعد اصيح هههههههههه غصب ابي جح وقامت امي ياملا الجنه وهي تعرف نقطه ظعفي وهي تروح وتجيب قدر صغير وتقطع فيه طماط وبصل وتصلح لي مرقه طماط على الحطب طبعن وعلى الوجار طبعنين ههههههه يوم طقت ريحتها في راسي ونا الي اتواسى وجلس ونا اشاهق فيني شرهه وراكم ما جبتولي جح ههههه ويوم شفت المرق وناالي القط الخبزه وعينكم ما تشوف الا النور وبلعها كلها الله لا يلومني اسبوع كامل ماذقت في بطني شي ويوم شبعت لله الحمد قال ابوي جعله للجنه هاه تبي جحه هلحين ولا مالها شهوه ههههههههه قلت مالها شهوه ابد ابد ولاعاد اشتهيها ابد هههههههههههه


تصدقون قد جلست 4 سنين اتمنا اكل موز وما حصلي هههههههههههه تراي صادق


وخل اعلمكم بذا السالفه مره رحت عند ناس في بيتهم وكان عندهم بنت بصراحه اكبر مني بواجد وكان عندهم ترنجه وش كبرها ونتم خابرين شجر الترنج ما تقدر تهزه غصونه كبار المهم قلت لبنتهم تبين اجيب ذيك الترنجه الي وش كبرها وا اكلها انا وياك اتميلح عندها قالت بعيده حتى ابوي عجز يجيبها قلت خل اوريك ونا الي اتشعلق على الترنجه ومن غصن الى غصن الين وصلت الترنجه بس انها صايره بعيده وفي غصن صغير لو امسكه انكسر المهم ونا الي اتمغط صح طلعت كني الرجل المطاطي يوم مسكت الترنجه ونا الي اجيك ملوي من فوق ههههههههه ولالي غير بنتهم وطيح عليها ويجيها صياح ويجيها صياح الله يخارجنا وشوي ولا امها والحريم الي عند امها كلهم عندنا والبنت طول بطنها طاح علي طاح علي ياويلي ويلاه ياويلي ويلاه قالت امها بس قالت البنت ايه بس مدري وش قصدهم ببس الشكوا لله بعد طايح ههههههههههه وتمسكني ام البنت مع اذني وتقضبني الباب وترصعني مع راسي ونا الي انطلق منحاش وقولها ترنجكم معي ومانيب معطيكم اياها هههههههههههه بس ماتبرد الروعه الي جتني ونا بعد تعورت بس مع الروعه ما حسيت بشي الا بعدين والي مستغربه وشلون مافكيت الترنجه والظاهر من قو الصدمه والروعه اصلن ما حسيت انها معي الا يوم رصعتني مع راسي ونطلقت اركض توي ادري ان الترنجه بين يدي ههههههههههههه

والله يحفظكم يالغالين من كل شر

سبحان الله وبي حمده سبحان الله العظيم عدد خلقه وزنه عرشه ومداد كلماته

__DEFINE_LIKE_SHARE__